ابدا بذكر الله ملايين والوف=من منتدى الابداع في قرية ء رباع
قلنا على الكيبورد من در مصروف=لو صقر ماشافه لما صاب الانصاع
لاهيّظ الهاجوس قلبي ولي شوف=ساق الوفا مايقبل انصاف وارباع
اعامل العالم على طيب معروف=فوق الثرى واشوف من فوق الارياع
شاعر وفي قلبي من الخالق الخوف=واحب فالعالم شريفين الاطباع
احزن على اهل الشام وانشج من الجوف=والاحظ العالم على كل الاوضاع
ارقا على روس الجبال الحزا النوف=واحس بالمظلوم واحس الاوجاع
اناظر الراكد وارى البعض مهفوف=شفت اللذي ينظم وشفت اهل الابداع
اكتب على الطاروق اذا سار مصفوف=والقارعه فالشقر عندي لها امتاع
شاعر وماني بين الاصحاب ملقوف=وماني لحب المال بالناس طماع
عايش على السنه ومافاتني الطوف=حجيت بيت الله وتحت امره انصاع
يارب في وقت السحر عبد ملهوف=يدعيك فاغفر زلته يوم لك طاع
جا لك ذليل ومبتهل لك ومرجوف =اليا تذكر نارك القلب يرتاع
يارب جرنا من عذابك بنا روف =ياخالقن للكون كله بالابداع
والختم صلى الله على بدر معروف=محمد اللي طاب ذكره للاسماع