عام الاول يوم كلن ياترشد والاسد يشخن على السباع=
وتلافو له كبار القوم بالمطلوب والفيل آبا=
قال فين الفيل قالو لايكون الفيل غايبي=
قال قم يانمر جيب الفيل قال النمر مالي قدره=
قال قم ياذيب قال الذيب ما اقدر غير فالغنم=
قال قومي ياجعيره ونزيدك في قضانا رتبه=
قالت اني خايفه والله يفسح فيك يابعيد=
صادف الثعلب وقال اجيك به تكرم شواربك=
سلّف الثعلب لبيت الفيل قال الفيل له وش جابك=
قال جيت مناصحن تغدي معي الى عند شيخنا=
ذاك شيخن مسلمن ومطرفن لك ضيفتن وهداوي=
واطلب الله وانت سد الوجه ماعندك ولاخلاف=
سايره طول الريق وقال لاحييت له مد ايدك=
مد له بيده وشقه من ذراعه لاشواكله=
قال قم ياثعلب اصلح واعطني قلبه وحل بالباقي=
سلّف الثعلب وكل قلبه وقال هيهات يالاسد=
قال وشبك قال ذاك الفيل اثاره مامعه شي قلبن=
قال فين خلقن خلق من غير قلبه ياثعيلبي=
قال لو كانه بقلبه يالاسد ماكان جا لاعندك=
قال ماكذبك فيما قلت كم خلقن بلا قلوب=