من روائع عبدالله القحطاني :


في زمان خان طعم الملح سعدى
وانثنت وسط الصدر مليون غايه
وصار أصحابي ضديد وقوم واعدى
وانكسر وجهي على آخر مرايه
وابتعادي عنك كان الحل الاجدى
إن رضيت أو غصب ماهوب برضايه
في زمن مكشوف به مبدى ومبدى
قلت ابهرب واترك الباقي ورايه
كنت صاخب أول وهالحين أهدى
وش بقى يوم انتهت أجمل حكايه
إنتهيت وكنت خايف كيف اببدى
انتهيت وكنت توي في البدايه
قلت يمديني أردك قلت ما امدى
من طعون سيوفهم جفت دمايه
فرقونا صوتنا من دون أصدى
وابعدونا وانخنق فيني ندايه
كنتي الحلم الذي في الصدر يندى
يزهر بروحي وتتضاحك شفايه
كنتي الحب الذي عصفوره اشدى
وكنتي انتي مبتدايه .. منتهايـه