أعــــوذ بــــالله مـــــن هــــذا الــــزمـــان الرخيص
اللـــي نكـــر قيمت الانسان ثــم ارخصه

والله مـــا دمت في بعــــض المـــواقف بخيــــص
لاعلمــكـ علــم قبـــل اليــــوم مـــاتبــخصه

مـــن عــــاش ناقص يقضي كل عمره نقيص
اغـــــلاه وقتـــه ولكــــنه رجـــع وارخصـه

واللــــي قضـــى العمـــر يترقب لــراس الغليص
هـــــذا وفــــــاء مــــاتسميها العــــرب منقصه

الصقر لو في شباكه صقــر والنيص نيص
يعني تـــــرى حـــر وان غـــطاء عليه قفصه

والله ولـــــو تنشــد اللي يعشــقون القنيــــص
لتـــــقـــول سبحــــان مـــــن هـــو بـالوفاء خصصه

لو كنت قارون ولا المال عندك رصيـص
لازم تناظـــــر لمــــــال النــــــــاس وتــــنـــغــصه

المشكلـــه قــــائمه والـــوضع كــله خبيص
مصـيــر الايــــــام تبـــــدي الحــــــق وتمــحــصـه

واللــــــص في مجتمـــع عمـــــي يسمــــى لصـيـص
والنــــص بـــالنـــص مـــــاادراك مـــــالنــصــنـصــه

لكـــن سلم على اللي في ضواحـي خريص
يــــرعى الابــــل في زمــان النفـط والخصخصه

لـــو يهلــكـ المجتمــــع مافيه شخــــــص حـــــريص
والكــــــل منــــــا علــــى دنيــــاه يـــا محرصــه

يمكـــــن يــــواريك عـالانظار لـــون القميص
ليتــــــكـ تمعــــــنت في تــــــاريخنا وقــصصه

كـــنك معـــود علينا زمــن حيص بيــــــص
صـــــاحبك لو مــــا فهمك بالاشـــاره اقرصه

لــو كـــــــان خليت للامـــــال عنـدك بصيص
يمكـــــن يبـــــدل طــريقك نــــــور ويخلصــــــه

وان كنت ممن جعل ماضي عهوده نكيص
فاحـــــــذر خصومك عـــالابــــواب متربصـــه




محمد بن جمعان الشاعر
المحيط الهادي