تعودت
تعودت أحبه .. بس تعود جروحي
والفرق واضح بين حب وتسالي
عطيته عطيته .. ثم سلمت روحي
وهوه .. ورب البيــت عيّا يبالي
***
ياليت يعرف معنى حبي وبوحي
والا يحس انه غدى انسان غالي
المشكله ينكرني ينكر وضوحي
وانا هوايه .. عشـق فوق المثالي
***
أقول انته ياهوى الكون روحي
يقـول إيه .. باروح مالك ومالي
قصدي أحبه وهو قصده يشوحي
ياونة القلب .. اللي فوق احتمالي
***
استسمحك ياقلب بهدم صروحي
مادام من اهواه .. من الحب خالي
صدقني هذا الحب ماهو طموحي
انا طموحي .. عشق راسخ وعالي
********