وحدي
ولا لي شف .. في أي مخلوق
ما ابغى أحد يجرحني لوجاه دوره
حتى ولو باعيش تهياب مخنوق
برضى ..
واخلي الناس تاخذ لي صوره
بمشي لوحدي
حتى والقلب محروق
على اللي طلّع قلبي عن كل طوره
لا هم يعبث بي
ولا عشق معشوق
ولا قهر انسان .. ماتت شعوره
مليت من صبري
ومن حرقة الموق
وتعبت من جرحي .. وانا اطيع شوره
كلن مع نفسه
يشوف انها فوق
وانا مع قلبي اهدي اموره
دنياي انا
هُم فكروها معي ذوق
واني اعيش ابقصر والحب سوره
ابكيفهم
ماعاد انا اشوف انا افروق
غياب جرحي اليوم يشبه حضوره
الله كم اعطيت
من نفسي للشوق
الله وش زينت ساعة حضوره
أصابعي شمعه
وهو نور واشروق
وجاري وهو اعمى تبيصر بنوره
ماعاد في قلبي انا
دم واعروق
ولاهو يحس ولا يبي من يزوره
مافي مكان
إلا وبالجمر محروق
واشلون اجي للحب اعاشر غروره
****