وداعاً .. قلتها بس غصب عني
إذا ما قـلـتـها .. بامـوت مـقـهور
خلاص ما عاد انا اتحمل تجني
أنا انسـان لي احـسـاس واشعور
عـطـيـتـه كل شي يانـاس مني
ويـبـغى زيـاده غيـر الليل والنور
ولا همه سوى انه يعيش مسرور
بعض احيان يحـسـسـنـي باني
أنا في مجلسه من ضمن الحضور
وانا لا غـيـر شموخي بعض فني
ولا يـمـكن يعـيـش القلب مغدور
أحبه ؟ إيـه بـس الـلي غـبني
حبيبي ما درى اني فيه معذور
في وجهي لو بدى له ضحك سني
أداري آهـتـي والـقـلـب مكـسور
ترى أحـيـان أفـراحي تـبـنّي
واربـيـها عـسى ابـني بها الدور
وانا بكـيـفي اشـيل الهم مجبور
بحياتي ما أحد والله سـجـنـي
بيتي الكون لا حارس ولا سور
حبيبي اللي سجني ولا خذا الشور
أخيرا قـلـتـها .. ولا تـفـتـكرني
نسـيـتك والا بنسى نعمة النور
احبك قـلـتـها ومو غصب عني
وحتى في الفراق باموت مقهور