غرب الشوق قلبي .. ثم شرق وجنب
وادعي به شـــمال الكون وأثره جنوبي
لاتروّح بروحي .. ياهوايه تجنب
خاف ربك تراك .. اليوم تقطع جنوبي
***
استميلك .. لعلك ترحم اللي معذب
وانت صوبت سهمك ياهوا الروح صوبي
انـتـقيـتك بقلبي وصرت مني مقرب
بعد هذا تظن الحب اكبر عيوبي
***
مدني بالمحبـه ثم شــرق وغرب
خلني يوم خلك .. ثم جدد ذنوبي
انت ما يـوم تقدر بالمحبـه تكذب
يفضحونك عيونك وبالمحبه وشوا بي
***
انت قلبك حبيبي كم من اجلك تعذب
عاد يصرخ احبك قلت ياروحي ذوبي
وطار قلبي من الفرحه وهلا ورحب
ثم قدّمت قلبي لك .. هديه جنوبي
********