الديك الرومى من مطبخ سونال ولا اطعم

اسعد الله مساءكم اهل المنتدى


امبارح عزمت ابنى محمد وعروسته علشان سبوع جوازه عقبال اولادكم جميعا على ديك رومى بس عملته بطريقة جديدة بالنسبة لى وانا عارفة انها طريقة متواضعة بالنسبة لشيفات وعضوات منتدانا الكبير


من حصرياتى

يللا اقولكن على الطريقة
المقادير
ديك رومى (5 او 6 كيلو)




3 علب زبادى
2 كيلو بطاطس
6 بصلات
3 فصوص توم
برطمان صلصة


توابلى الخاصة
ملعقة كبيرة فلفل اسود- ملعقة بودرة توم وملعقة بصل بودرة- ملعقة كارى وكركم وملعقة صغيرة بابريكا)
4 فصوص حبهان وورق لورا
وكبسة ارز بسمتيك


الطريقة


غسلت الديك كويس ووضعته فى اكبر حلة وشيلت الريمة
ووضعت البصل وورق اللورا والحبهان وسبت الديك لغاية نصف السواء
وكنت مقطعة البطاطس حلقات فى صينية كبيرة

وكنت محضرة البصل والتوم والتوابل وبرطمان الصلصة وضربتهم فى الخلاط كويس

ووضعتهم على البطاطس
وشوية التتبيلة وضعتهم على الزبادى ودهنت الديك كويس
ثم وضعت الديك على البطاطس ثم وضعته فى الفرن لمدة اربع ساعات
ومن حين لاخر اسقى الديك والبطاطس بالشوربة حتى تم الاستواء

واتفضلوا معانا وعقبال اولادكم جميعا
ودى صورة للديك بعد السواء










مع تحياتى
ام حمادة