انا البارح بغيت انعس وهاجم عقلي الوسواس=بغيت اغفى على طيبه على ذكراه واحساسه
غدا قلبي ينادي له وروحي تحبس الأنفاس=ذكرت اطياب مهديها مع كرتٍ به انفاسه
ملا الغرفه شذى طيبه نسيت الهم والهوجاس=سريت ابخافقي عنده نسيت النوم وانعاسه
بغيت انساه واتناسى قريت الفاتحه والناس=ودون اشعور ناداني قلم يكتب بكراسه
وقمت اكتب قصيدي به رسمت ابيات دون احساس=كتبت ابيات انا مدري هو احساسي او احساسه
بغيت انساه بالمره وقمت اذكر جميع الناس=لقيت انه هو الذكرى وهو فكري وهو ناسه
كلامه بالحلى ممزوج وتعبيره ذهب و الماس=ومصدر معدن الألماس يقول الناس الماسه
ذبحت الهمس يالمجنون ذبحته ياشديد الباس=وخليته بدون اشعور ضعيفٍ فاقدٍ باسه