البدع...محمد بن مصلح
يانديبي توجه لين تاصل لدعوى المنصري
ثم صاوب بها الجُبر وصاوب بها الشيخ العواجي
ثم صل سعد الطيار يلقاك قيف المقبلي
وصل الشيخ رزق الله وربعه ورمضان المسمى
ثم صل ولد سعدي لين تضوي عليهم بيت بيت
ثم صاوب بها من عندنا لين تصل دوسي ويوسي
وانقل اعلامنا حتين تاصل رجال ابني عمر
قُل لهم: بو دخيل الله يسلم على زهران كفه
وانحن جيش الفهد من حيث يامر ملكنا جاهزين
وانحن اللي نفيد المدح وانحن بريح المرت عشنا
نحمد الله مافينا ذليلٌ ولا فينا نذل
وانحن اللي ظهرنا فوق روس الجبال اللي عواني
وانحن مثل الصواقع حن تقع في الحصى دعمارها
الرد...عبدالله البيضاني
الذي ما نصره الله ما جاء لحظّه منصري
والطريق الذي متوجهٌ خير من الدرب العواجي
والزمان الذي قفى معينه يعوّد مقبلي
والذي يسقي الناس العسل ما يجازونه بسمىّ
وانا لاحد يعاملني بهذي الطريقه بيت بيت
مرةٍ يخطيء ابن آدم ومرات يتعدل ويوسي
والذي صادرٌ ماهو كما اللي بعد يبني عمر
والذي مثل بن مرعي بفعل الكرم زهران كفه
والذي يصنع المعروف بين الخلايق جاه زين
وخضر هو وربعه قالوا انحن قساة ومرتعشنا
واللي ما يمّدح ما نمدحه لا نخاف ولا نذل
الله الله وش ذولا المطاليق وش ذولا العواني
يشترون الجلوب وعندهم يا حصاد اعمارها
|