قارعة اليوم الاثنين
الموافق 1434/12/5

بين كلا من:
...
الشاعر/حسن الدوسي الزهراني

الشاعر/ياسر أحمد الزهراني

الشاعر/سعيد علي الزهراني

الشاعر/عمر المالكي

البدع/حسن الدوسي

يالله يا رب وفقنا ونرضي جميع الحاضرين
في محل السعد والخير ما صاف علمه وانقلب شر
ابوفواز من دونه وله فالحكم والراء دليل
جونا ذالعشي ممتاز ما به خطر وآبد عوافي
والمثايل تشابه للجنايا وفي نبياتها

الرد/ياسر الزهراني

ياسلامي على موقف يضم البدو والحاضرين
ان دعانا كريم الوجه ماناتعذر ونقل ابشر
ساعدي ياهجوسي وانجدي الفكر في وراد ليل
طالما ان القصايد حاضره والحكم والبدع وافي
من بيشنى القصايد ياحسن لا وفينا بيتها

البدع/سعيد الزهراني

دعوتك طيبه والعلم طيب ومعنى القاف زين
انت ونعم وابوفواز ونعم ومجهوده مقدر
وازملانا من اصحاب العلوم الوفيه والجميل
ياعمر طالما الدوسي توكل على رسم القوافي
انتبه ،سرها ماهو مشابه علانياتها

الرد/عمر المالكي

قبل بدع القصايد ودي انشد جنود القافزين
مدري قفز الفضاء مدروس والا على حسب المقدر
والهمم عاليه والجدر ماينتهض في ولج ميل
ادري ان الهلل محسوب في وجهته والا القوافي
لا تهنجم بمنطوقك لناس (ن) على نياتها

البدع/حسن الدوسي

عزوتي نالوا الأمداح بين البشر دنيا ودين
دوس من داعية زهران والدرب واضح ما تعسكر
آهل الجود واهل الفود ما ننتظر كف البخيل
احتمينا حدود الدار فالشر وإلا وقت صافي
ببلاجيك تسعدنا بمبدى وفي رمياتها

الرد/ياسر الزهراني

يوم تسمع لضربات المدافع لها دنيا ودين
عالحروب الدوامي لا تنشّد فواداً ماتعسكر
ذاك ماساق دبابه وفالحرب ماخيل بخيل
وانحن جيش البلد لا صار فالحرب ضرباً واقتصافي
نستحل ديرة الاعداء ونشرب وفير امياتها

البدع/سعيد الزهراني

روسنا قاسيه والعزم وقت الطلايب مايلين
والدليل ان حتى ابليس من فعلنا هلل وكبر
وانحن اللي على المذهب نخلص عميل(ن) من عميل
شيخنا بالرقوش انا اشهد انه زعيم وشخ وافي
ياحسن عمم امداحه ومن كل منشر هاتها

الرد/عمر المالكي

والله انا بني مالك حزا للخصوم المايلين
دقلنا مثل دقل السيل لاضايق الوادي تكبر
مالنا في قبيح الحظ قسمه ولا للمنع ميل
والتواريخ تشهد ماعلى فعل ربعي شي خوافي
وردعنا الخصوم وصابها الشر من شرهاتها

البدع/حسن الدوسي

حانت الخرفه وآشاهد عليها ولوم اللايمين
في مزارع تشوق العين يا زينها من حلو منظر
وعليها العقوم تردد السيل يوم اكتبر سيل
منتوج الخير يا طيبه وفيه الغنى وإن قل يكافي
يسعد ارواحنا وتعيش الايام في لذاتها

الرد/ياسر الزهراني

جعل ياقلب مايلحقك تعبه ولوم اللايمين
لي سنه خاطري متعوب ياصاحبي والحال منظر
غبت عنا وانا ماعاد في ايديني الا اكتب رسيل
انتعوذ من الدنيا ومن جورها وانقل ياكافي
انحن شبنا عسى التعويض للروح فيلذاتها

البدع/سعيد الزهراني

ودنا نشتري منها ولكن وين البايعين
شفت منتوجها لكن مالي بها شف(ن) وخاطر
كانها وارده مالي بها لا كثير ولا قليل
يوم كانت ترد بابورها كان فوق البحر طافي
اعرف اوقاتها لا تحسب اني نسيت اوقاتها

الرد/عمر المالكي

مدري انا الجهد والا الزمان ابا يعين
يوم غيري على دهل الخطوب اجبر النيه وخاطر
وارتقى للعلى والضلع من زفرته يغدي قليل
ياسعيد اقربوا للحوثي العنجهي شغل المطافي
اليمن ودنا ترضى على الفقر وعلى قاتها

البدع/حسن الدوسي

آبواحمد يقول اليوم جاء للجنا والحقل امين
والعماميل جدت واستعدت قوام ولامت اصبر
عندها المعرفه والله عطاها العقل ومتان حيل
بشروا من يدور للفوايد ترون البخت لافي
والفقارى لا تجحد للعطايا إلى من جاتها

الرد/ياسر الزهراني

اختلفنا ولا عد ندري الصايبه والحق لمين
انا مظلوم واصبر ياعمر غير مدري لا متى اصبر
يامتى نبتعد عن كل ماينكره ومتى نحيل
غير لا زادت الضيقه بالانفس وزاد الاختلافي
اطلبك ياعمر تاخذ بروحي الى منجاتها

البدع/سعيد الزهراني

ياحسن ليتكم من بعدها غانمين وسالمين
ليت ماغير تسكت لا تعلم بها في كل محظر
يشهد الله على قولي ولا انا على خلقه وكيل
اعرف ايديك لين اليوم واعرف لباسك واللحافي
لو بغيتاني اعلمك عن ظهرها ورحاتها

الرد/عمر المالكي

انا مثلك جهلت الدرب واخص مين واسال مين
ضعت ياسيدي رغم ان قلبي رضي والفكر محضر
ماعد الا اهبط الاسواق واساوم البايع واكيل
اصبر اصبر وانا بصبر وارد البساط لكل حافي
والا صارع هموم الوقت يوم ان تدور رحاتها

البدع/حسن الدوسي

أنتهى الليل ما جاء به خيانات وإلا سوء دفين
حشمة اللي دعانا وإن دعانا كريم(ن) ماانتعذر
ننتقي من جزيل القول والمعرفه واعلام هيل
قدر لرجال ماهم من ورى جودنا والبر تجافي
وإلا فإن القصايد عندي آنا صلاحياتها

الرد/ياسر الزهراني

فين ذيك الجبال الشامخات الطوال السود فين
الجبال الطوال النايفه من شجرها ينتع الذر
الله ياكم درجنا فوق هاماتها واعلى مهيل
اما ذلحين صاب العظم خله وجاه الارتجافي
والدروب الذي تاخذ بنا للصلاح اياتها

قناة رباع بالـــيوتيوب

http://www.youtube.com/user/ruba3ruba3

• رحلة في ذاكرة الشاعر جريبيع رحمه الله
• أهالي رباع : الخير في مقدمكم يانسل الكرام ( عكاظ )
• رسائل واتس اب جديدة كل يوم .. شاركونا بكل جديد ‏