|
كم رجُل مافيه خير وكم مره تسوى ميـة رجـال
يارجاجيل اسمحوا لي يمكن الموضوع فيه احراج
النظام الغربي أعطى للنبـات وللبهيـم احقوقـه
والمره فـي مجتمعنـا ليـش ماتعطـى حقوقهـا
المره من طينة الرجال من ظهـراً وبطنـاً واحـد
ليش ماتعطى فرايضهـا والإسـلام اكتفـل بهـا
وانها ماهي غريبه فان كان اجدادنا في الماضـي
يدفنون البنت حيه صدق ماعنـد العـرب قلـوب
ثم عدّا وقـت والرجـال مـا مقهرتـه إلا مرتـه
كل شي في ظهرها من غير لا شكـراً ولا تقديـر
وان تعرضنا لطاريها نقـول الحرمـه اكرمـك الله
كنّها جايت بوصمة عار نخجـل ننطـق اسمهـا
وحرمّنها من الميراث ما تلقـى نصيـب ولا حـظ
وعتبرنا باب توريـث المـره عـدوان ونّتهـاك
ثم جاء التعليم و الواحد بطاقة زوجته في جيبـه
يسلبّهـا ويهينهـا ويضـم راتبـهـا لراتـبـه
التساوي بين رجال ومره خارج حـدود المنطـق
كم رجُل مافيه خير وكم مره تسوى ميـة رجـال
اتقى الله في النساء يرضى عليه ويزعل اللي يزعل
ماعلي من الـذي ماهـو بواثـق مـن رجولتـه
الشاعر / عبد الواحد بن سعود
|