لا سار في داخلي سيل المشاعر عسوف=احاول اكبح جماح الشوق واصدها
لكن فيض المشاعر لف قلبي لفوف=وبيّنتها حروفي اوبيحت سدها
لكن معذور حرفي كيف يوقف كتوف=قدام ذيك الحروف اسيوف في حدها
هي سيده لو مشت بين النسا والصفوف=الكل يوقف لها تبجيل من جدها
والكل يوقف لها لا صفقت بالكفوف=اميرة الحسن بين الغيد من ندها
متلثمه كنها شمس الضحى في كسوف=لابانت الشمس شال الثامها يدها
هي قمة الذوق تتميز بكل الصنوف=البخت للي توده كيف ما ايودها
لو اقسم الكون واشتد القسم بالحلوف=انه حمل مثلها في هزلها او جدها
هي غير كل البشر مليارها والالوف=مجنون من قال مثلك بالحلا عندها
ماغيرك احدٍ تربع داخلي يالهنوف=والناس من غيضها بتموت من حقدها