ابدا بذكر الله واسمّي يامنزل الكوثر والاعرافي وانشر على اهل المنتدى علمي قلبي نزيه وخاطري صافي ماني من اهل السب والذمي ولا من اهل الغيض ياكافي ماتخرج التهمات من فمي وضاهر اعلامي من الخافي وانا خذيت المنتدى همي وانا اعتبرت اهله لي احلافي هذا ولد عمي وذا عمي اهل الجميل وعلمهم وافي ترى شذى الازهار ينشمي وشوكها يدمي قدم حافي من طاوع الشيطان ينغمي تلقا دروبه كلها اتلافي واللي للصف الجود ينضمي يلقا الشرف مابين الاشرافي واللي للداعي الخير منصمي ما تلزمه عادات الاعرافي وانا من اول ماكتبت اسمي احرص على منهاج الانصافي يضيح نور الشمس ويعمي ولا يطفي نورها طافي مادام فيه الناس تلتمي المنتدى طيب ومتعافي واللي بروحه عنه منزمي ينفيه منه المنتدى نافي ريح الصبا لاهبّه الوسمي هبايبه ماتشبه السافي ماجا للقصر الفايده هدمي وعلم راعي الصدق ينضافي وانا تراني لوبغيت ارمي ماصافت الرميه عن اهدافي ولاااصافح الا المطلق النشمي واميز المقفي من اللافي ماكل من يرقا الجبل يطمي ولا كل علّه جا لها شافي واللي ترا ماصاد مايحمي وقصم الضهر يزري باالاكتفافي ماني بطامع لاحصل قسمي ولاني من اللي للبشر جافي مايختلف نثري ولانضمي ولاتشوف النقص في قافي