صح لسانك ملايين ياحمدان ابدعت في نضم القصيده
واسمح لي بهذا المجاراه وهي مجرد اعجاب بقصيدتك
واتمنا منك المزيد من مثل هذه الراوئع

	كفو يابريع القاف ياالشاعر الواعي....... .وصحّ القصيد الزين وااللسان من قاله قريت القصيد اللي نضم فن و ابداعي......... .من الشاعر اللي يطرب الروح موّاله وهو م الرجال اللي لهم في المدح باعي...... .هل الطوله والصوله وللمرت نقّاله يرجّ البحر فعله من السطح الى القاعي...... .وضيفه يلاقي الجود والبن وادلاله ترى الحاجه يقضيها وللناس نفّاعي... .كريم اجودي في ضيفته ماحسب ماله يفادي ببذل المال ماكان منّاعي........ خذا الفايده من ابوه والمدح من خاله وهو في بحور الشعر والنثر شرّاعي.... . يحوف القصيد وكل معنى ترى ناله كما النجم وسط الليل باالنور ولاّعي..... . تجيه المعاني والقوافي تهيّا له ولافي قصيده ياعرب زور واخداعي.... . يقول الصحيح ولايدور له ابداله وللشعر بين الناس راوي وسمّاعي ...... قوافل لها في الدرب حادي وجمّاله