هاك القصيد اللي حروفه لغاتي=فيها الهوى والشوق والحب فضاح
يابنت جيتك عقب كلمة شفاتي=قلتي شفاتي قلت هرجك به امزاح
الموت ماهو بس وقت المماتي=حتى العسل في شفتك موت لا ساح
سريت افكر فيك ناسي حياتي=واجتحت بحر الشوق هايم وسباح
سريت بك في عالمي يامناتي=افرش كفوفي لك وقلبي لك اسلاح
قمت اتغنى فيك وانشد غناتي=واشبهك بالبرق في ليل لا لاح
غدت نجوم اليل بك راقصاتي=والبدر علق زينته بك والأفراح
والورد غنا وانتفض ما يباتي=عطرك غدا بالورد ذايب وفواح
والطير لا غبتي غدا في سباتي = وان قام فاقد صورتك قام نواح
حتى نبات الفل ما هو نباتي=لا ما غدا ياخذ من انفاسك القاح
غديت بك هايم ومنكر لذاتي= اتحسس اخبارك مسافر وسواح
والحرف يتغنى ويفضح سكاتي=وايهيم فيني كل لحظه ويجتاح
حبك نسجته والتبسته عباتي=قلبي توشح بالهوى منك مرتاح
قمت اتبعك والشوك يجرح وطاتي=واحس وخز الشوك بالرجل لاطاح
لو جار وقتي فاحفظوا له وصاتي=قولوا له ان العمرمن صاحبه راح