السلام عليكم و رحمة الله و بركاته


بما اننا اسرة واحده هنا بنتسحر مع بعض اليوم

وكل يوم بيكون في عضو مسئول انه يكون مسحراتي








في ميعاد السحور بتقول لكل الموجودين برباع
اصحي يا نايم رمضان كريم
مع اجمل تحياتي لكم



اليوم سأكون انا رحاب الرحمن المسحراتى لكم
و اسمحوا لى انى انقل الكلمات من المسحراتى اللى بيمر فى شوارعنا و فى كل مكان

شوفوا المسحراتى الراجل الطيب المصرى بيقول ايه :



اصحى يا نايم
وحد الدايم
وقول نويت
بكره إن حييت
الشهر صايم
والفجر قايم
اصحى يا نايم
وحد الرزاق
رمضان كريم
.مسحراتي على طريقة
منقراتي ورا الحقيقة
ستين دقيقة في كل ساعة
ماهيش براعة
لو فن دام
في كل كلمة من الكلام
أصحى يا نايم
وحد الرزاق
رمضان كريم
في كل كلمة من الكلام
حضنت حزمة شديت حزام
يطرح زماني بلح سماني
من الأماني عالي عليا
ياليل يا عين
أصبر شوية شويتين
و أفضل أجاهد بقلب جاهد
فلا أضام
في كل كلمة من الكلام
حضنت حزمة شديت حزام
و أنا المغني
و لجل إني يدوم شبابي
ينقص منابي من السنابل
لكن ماناب الأمل تمام
في كل كلمة من الكلام
حضنت حزمة شديت حزام
ومشيت بهمة إلى الأمام
المشي طاب لي والدق على طبلي
ناس كانوا قبلي قالوا في الامثال
الرجل تدب مطرح ماتحب
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال




مسحراتى فى الطريق الصعب
منقراتى و كل دقه بقلب
اللى يزرع واللى يصنع خير بيعرف ربنا
واللى يعدل فى نصيب اليتيمه يعرف ربنا
واللى بينوّر طريق المدينه يعرف ربنا
واللى يضرب فى قلوب الأعادى يعرف ربنا
سجدت لله الكريم الهادى
والمشى طاب لى
والدق على طبلى
قالوا فى الأمثال:
"الرجل تدب مطـرح ماتحب"


وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
لما تقول أجمل ما فى الدنيا، الميه للعطشان
يعرفوك عربى
أما للراوى ريحة البرتقان فى مداخل يافا
يعرفوك عربى
لما تقول ابنى اتولد لاجئ
يعرفوك عربى
لما تقول يا رب
يعرفوك عربى
لما تباشر جهادك، ترمى أوتادك
فى قلب دابح ولادك
يعرفوك عربى


بيد اليمـــن و اليميامة ياما قلبي هام
و بوجد من نجـــد لديار النجف و الشام
و في مصر أطيب مقام السيدة و إمام
و في تونس الخضرا بتنور من الأكمام
و في المغــارب مضارب للعرب و خيام
وفي الكويت لقيت محبة وأمان وسلام
وفي فلسطين دعواتنا بتوحد الأخوان
وفي الامارات عمت الخيرات

كأن من سالف الأزمان إلى زمني
ورثت كل العشق و الهوى لازمني
اصحى يانايم اصحى يانايم
أصحى وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق


شوفتوا الكلمات و اللى وراء الكلمات
كلمات عفوية من راجل طيب عاصر ناس و ناس و لف بلاد و بلاد و لسه يا ما هيشوف كمان و كمان و بعوده علينا و عليكم الايام يا ناس يا طيبين يا اهل منتديات رباع
رحاب الرحمن
غدا ان شاء الله الدور المسحراتى على على السيبيه