ياساكني قلبي ترى البعد مشقيه=الهم قاتلني وشوقك كساني
حبك تمكن من وريده وكاويه=الله حسيب الوقت لو ما عطاني
لا غبت كن الكون خالي ولا فيه=ناسٍ تسير ولا بحور او مواني
كن القمر لا غبت ماحدٍ يناجيه=والشمس يكسف ضوها في ثواني
طيفك عيوني له تناجي وتدعيه=وان غاب طيفك عن عيوني تعاني
يا ما سهرت اليل شوقي اداريه=اخاف لا يفضح سكوتي جناني
داريت حبك في عيوني وتبديه=فضاحة العشاق بين الغواني
روحي فديتك هاك كفي وضميه=بين الكفوف الي لهبها كواني
سلمت لك قلبي وبيديك تحييه=والا تسوقينه على الموت ثاني
ان كان قلبي حب غيرك وشفتيه=تكفين دسي خنجرك في كياني
لا ترحمينه كان غيرك بيغويه=لا ترحمينه لو تمنى اماني
ان كان مات الهمس لا عاد تبكيه=تراه من بعدك وشوقٍ رماني