تعالي والمسي قلبٍ كساه الهم والهجران=تعالي لملمي جرحٍ حرق قلبي بنيرانه
تعالي واحظني قلبٍ غدا حبك له السلوان=تعالي وارحمي شوقه ولا تنوين حرمانه
بلاه الله في حبك وهجرانك غدا نيران= تشب او تحرق اظلوعي وقلبي شب شريانه
اشوفك تلمس اجروحي وصدك قمة الحرمان=بيدك تشفي اجروحي وقلبي تغسل احزانه
احس انفاسك ابقربي واحس ابلوعة الغيران=تصد اوكني اتجنى وحرفك ينثر اجنانه
اشوفك كل ما اشوفك وكني نايم اوحلمان=اصدق بك ولا اصدق وحرفك يكتم اشجانه
تعيش ابداخل احروفي وحبك داخلي حيران=مشاعر تستعر فيني وهي بالشوق حيرانه
الا ياليت تفهمني وتبعد هقوة الشيطان=ترى قلبي على شانك حرق شكه وشيطانه
وحبك داخلي يسري وانا في قوة الايمان=وبايعتك على قلبي وهو في قوة ايمانه
تعالي يا بعد قلبي ولمي باقي الأنسان=تعالي واحظني قلبٍ بجوفك سار عنوانه
تداعت فيني الامي وقمت اسهر وانا هيمان=اعيش ابلحظة الذكرى ورحي حيل عطشانه
اعيش اليل في طيفك واحبه واعشقه سهران=عيوني بس في طيفك تعيش الوقت سهرانه