نسينا لحظة الفرقا وفكرنا بهذا اليوم = وعشنا لحظة اللحظه وخانتنا ثوانينا
تذكرنا محبتنا وخلينا الحض المظلوم = تذكرنا سعادتنا ونستنا مأسينا
تناسينا متاعبنا وكفي في يدك ملموم = وحسينا من الفرحه تحقق كل امانينا
رسمنا افرحنا دايم وخلينا حزن واهموم = ضحكنا ضحكة الناسي تبادلنا تهانينا
اثاري ان القدر يرسم ويمسح حلمنا الموهوم = مسح حلمٍ سهرنا له مسح حتى اسامينا
حسبنا ان القدر معنا اثاري ان القدر مرسوم = يقربنا ويبعدنا ويرسي في موانينا
تصبرنا على مره وقلنا ان القدر مقسوم = ويمكن يبتسم مره وفي لحظه ينادينا
لقيت اني انا وانتي تجرعنا العذاب اطعوم = عجز قلبي على قلبك ولا به من يداوبنا
غدينا نحبس الفرحه وخلينا الهوى مكتوم = قلوب الحب تتناجى بالهفه في ليالينا
اظن ان القدر ناوي ينفذ امره المحتوم = ويقتل بسمة الفرحه وداخلنا معانينا
اخاف العمر لا يمظي ويصبح امرنا محسوم = وتفنينا ليا لينا وتتكتف ايادينا