خيال العاشق

خيال العاشق الولهان جمرة في مهب الريح
بلا موعد تولَعها وتطفيها هبايبها

وجمرة هي دوى العلَة وجمرة كلها تجريح
وجمرة تحرق الاشواق الى زادت لهايبها

وقانون الهوى مايقبل الترتيب والتصحيح
على كيفة يداوى اهل الهوى والاَ يعذَبها

ومن قلبة يميَل به على بير الغرام يطيح
ومن طاوع هواجيسة رمت به في مصايبها

وعينك لو تحدَ الشوف تلقا في الملاح قبيح
ويمكن لو تغضَ الطرف ما تسلم هدايبها

ومن لا يبلغ الفايت فلا به فايدة لا الصيَح
سيوف الوقت قتَاله ومن يقوى يحاربها

ترا الدنيا دنيَة ماعليها من العباد مريح
ومن تظحك لقلبة لازم اعيونه تحاسبها

خيالك لايلمَح لك ويغدربك هوى التَلميح
ترا دنيا المحبة ما بلاها الاَ حبايبها

ونبض القلب مايحتاج لاموجزولاتصريح
وزلاَت القلوب احتار فكر اللَي يعاتبها

ولافادالغصون الليَ تموت من الضما التَلقيح
وتحَييَها المزون اللَي مطرها من سحايبها

شعر\علي السبيه