ياقلبي

ياقلبي اخرج من دهاليز الظلام=قدام يصبح ليل عمرك سرمدي
لاطفت ياقلبي مواقيت السلام=لاعاد ترجي الخير في الوقت الردي
في الناس حقّاده ونقّالة كلام=سد الحلوق ورد غيض الحاقدي
خذها نصيحه لايضيعك الهيام=وتسير علكه تحت ظرس الحاسدي
الغفله ياقلبي تودي للعدام=وتورّد الانسان شر الموردي
قدام ماتمضي الامور اللي عضام=احذر واحاذر ثم سايل وانشدي
واوثق عمارك قبل مايغدي حطام=واشرب زلال وجنّب الماي الصدي
ولايغرك حلم وردي في المنام=حلم الليالي السود يمحيه الغدي
قابل زمانك باالعلوم اللي كرام=توّك شباب وتوّ عمرك واردي
واحذر ترخّص لك في الدنيا مقام=وساير ادروب الجمايل واقتدي
مابه جنون الا جنون اهل الغرام=ولايتوه الا الطريق المنكدي
الحب ياقلبي موده واحترام=يرفع مقامه مانقده الناقدي