رقـــــــــــــــــــــص ,,,

السلام عليكم ورحمة الله وبركاته





اعزائي اعضاء منتداي الغالي..



نناقش معا .... مسلكا اخر .... وقد يرسم البسمة على محياكم



فإليكم .....





:





:







لما تجيك دعوة الى حضور حفل زفاف لاحد الاشخاص




فإن الحريم في المنزل يعلنون حالة الطوارئ في اليوم الموعود

:busted_re:busted_re




تلقاهم صافين طابور عند باب الحمام .. من أجل أخذ دش بارد





<<< لانهم مؤمنات بالقاعدة الفيزيائية





التي تقول : ان الاجسام تتقلص بفعل البرودة







ثم يهبون الى غرفة العمليات





فتحصلهم مايخلون مراية في حالها ..





منيرة ..... عند مراية التسريحة تتمكيج





خلود ..... عند مراية الدولاب تحط عدساتها






رقية .... عند مراية مدخل البيت تسشور شعرها






فاطمة ..... محتارة أي فستان تلبس





وكل ما اختاروا لها فستان .. قالت : لا .. قد شافوه عليّ






ورغد .... تترجى اخوها : تكفى ود فستاني للمغسلة





وقول لهم يخلونه مستعجل






وابتسام ...... متوهقة مالقيت الاكسسوار اللي يناسب لون فستانها






وشوق ..... تقول لاخوها : تكفى مر على جارتنا





وخذ من عندها الجزمة التفاحي






وهنوف .. انفرط سحاب فستانها .. وتبي الخياط يصلحه






<<< والله من السمنة الزايدة








وصجة .. ولجة .. وحوسة ...





وكلهم في سباق مع الزمن ..






( طبعا ياعيني عالرجال .. ثوب وشماغ .. وانتهت السالفة )







ثم .. يركبوا السيارة بعد ما بح صوت ابوهم





وهو يناديهم ..









والمصيبة اذا اخذوا مسافة بالسيارة وجتك فاطمة





تشهق شهقة قوية .. ويقولون : اشفيييييك





وترد عليهم : نسيت شنطتي تكفى يبه رجعنا للبيت








وبعد عناء طويل يصلون الى صالة لافراح ويدخلون








ومن يوم تبدأ الطقاقة بقرع الطبول تصفيق





تلقى الوحدة تهزّ .. وتهتز وهي لسّا باقي على الكرسي








ثم يتوافدون على المسرح من كل صوب .. وشف الرقص كيف






اللي تحط رجلها من شرق المسرح الى غربه





ولا احد يدري اش بلاها






واللي تهز وهي واقفة مكانها بركاااادة .. وعلى بالها أنوثة ..








وتعال شفهم اذا غنت الطقاقة .. ( يالتكسي )



وقالت : وخذ يمين و بعد يمين ..





تلقى الحريم فعلا ماخذين اللفة يمين في يمين






<<< طبعا من غشامتهم .. يتصاقعون في بعض











والوحدة فيهم بتتشقق من الفرحه اذا جت الطقاقة بجنبها





وقالت : يا احمر يا احمر .. عاشو .. على قلبي





<< طبعا اكيد فستانها احمر ..






وتلقا ثنتين هناااااااك يرقصون نفس رقص العراقيات في عرب شمّر





وطبعا العجايز منصدمات .. ومافيه الا قوة دعاوي على هالبنات









واذا جت اغنية مصرية ..





تلقى الاغنية والايقاع في وادي .. والرقص في واد آخر





الا من رحم الله ..





<< واللي تعرف ترقص مصري .. تلقى البنات يتشحدوها تقوم





وهي ترفض ..





طبعا من حقها .. تخاف يصكونها بعين على كيفك









والوناسة اذا قالت الطقاقة : ( رقصة خاصة لاهل العروس )





تلقاهم يستلجون اذا قالت : ( كل آل " فلان " خيّالة )




<<< وهم في الحقيقة .. لم يركبوا حصانا قط ..





بس يالله لزوم المدح

المناقشة

* هل كل امرأة وأقصد المتزوجة .. ترقص لزوجها ؟؟



* هل اغلب الرجال يحبون ان ترقص امامهم زوجاتهم ؟






* هل المرأة التي ترفض ان ترقص لزوجها .. محقة ..؟؟






* يقال من رقص نقص فهل انتم مع هذة المقولة ؟؟






بعض الرجال اذا رأى الرقاصات في التلفاز




طااااارت عيونهم لنص الراس ..





فلما لاترقص زوجتة .. فلعلها تغنيه عنهن








همسه لاخواتي





غالبا مايكون لبس الطقاقات مخزي





ومتشبهات بالرجال





وقد تكون نواياهم سيئة





فالحذر الحذر ..





والله يحفظكم جميعا ..






( ملاحظة : شخصيات السالفة .. من نسج الخياال