الحررررررررررررررررررررررره

من بهجة النفس واشراقة البوح=روافدالتعبير ترفع علمها
للحره اللي ماتعلث بمسموح= ولاسابقت شقر الخيول ونهمها
ولا لبست اللي من جوانبه مشلوح=والا بضيق اللبس تبرز لممها
ولا بحلقت بالعين في كل مشفوح=ولا جاوبت منهو بعينه زهمها
ولا سلهمت بعيون تستبري الظوح=عميا بصر وللا البصيره سهمها
في نفسها للدين واحات واصروح=والروح والريحان فيها نسمها
في زولها في مشيها توقة الروح=حره على زيف الاماني قدمها
ماتنثني للهرج والظحك والنوح =تدعس مشاعر كل خبلن نظمها
لوغرد العصفور في غابة الدوح=ماهو بنايل درة في حرمها
الكل يشحذ ودها وين ماتروح=ولاكل من ساوم شرى واستلمها
البحر له ماء من الملح مجموح=واللا عيون النهر من نبع فمها
عديلة الدنيا بها نص مشروح=تكرم ورب العرش فارض كرمها
واللي غواها ابليس ابليس مفضوح =كم حاك له قصه وخطه رسمها
والشر شر وباب الأحسان مفتوح=ومن لا يتوب اليوم نفسه ظلمها