اشرب زلال الماء لياجاء على ساس

*=
الشاعر : سعيد بن مسفر الوزاب ( البرق اللامع )

*=
انا اشرب زلال الماء لياجاء على ساس = واعاف الشهد من كف بتبدي رداها
وانا لي مع اهل الطيب موقف ومجلاس= ولانبطن الاهداف واظهر خفاها
ويابخت من يكسب علومه بنوماس = وغيره بعد يرقب من ايدا نداها
ومن لاشرب بالكف يشرب من الكاس = ومحدا بكف الغير يروي ضماها
ترى ان الديار اليوم تعرف بعساس = ومن يرقب العليا يجود بناها
وياسيدي ياشيخ ياخير من راس = ترى مايجي بالعمد ماهو خطاها
عسى الله يزيل الهم ياصاح والبأس = ونغدي مع ربعا يذري ذراها
ويامن بيقطع شجرة السدر بالفاس = ولا يلتقي ظلا من اقسى حماها
بنينا على ساس الجمايل مع الناس = ونوفي مع اهل الطيب لاجاء وفاها
ترى خدمة الطيب مع الغير نوماس = ومن قدم الحسنه بيلقى جزاها
ومن لاعرف سلم الرجاجيل ينحاس = ورجله تقيصر ما بتوصل مداها
تمهل على قلبا مداري وحساس = وحاسب على يوما لروحك حداها
ومن جاء لباب الدار بيدق الاجراس = لقي كلمة عليا ويسمع صداها
ترانا عرفنا اللي بدى الهرج هلاس = ولا هي غريبه ظلمته لو سراها
انا اقول يالصاحب تمهل ولاباس = ومن يزرع الشجره بياخذ جناها
يقولون وش بيفيد من بعد الافلاس = وانا اقول كثر المال زود عماها
غياهب بحورا مالها حد وقياس = ونار توقد من بيقوى صلاها
بنكتب بحبر الفكر من فوق قرطاس = ومن يطعم المره بيعرف حلاها
ونرسم معاناة القهر فوق كراس = بلون الرماد اللي تعقب لظاها
ليا سج فكرك عاد بالفكر وسواس = بعد ماعرف مدلولها من قراها
الهي خلقت الخلق بالوان واجناس = ولكن بالتقوى يتظهر رضاها
نحرك ركاب الفكر لو يظهر الياس = تسير مع البايع ليا جاء شراها
ونمشي مع اللين وبنلين القاس = ومابين صبح وليل يبدي ضحاها
وعين السهر لاجاء لها هم ونعاس = ترى النوم راحة بال مما بلاها
مع الوقت راع الزود يدهك بالاضراس= ويندم على اياما مضت منتهاها
وتحت الرحى بين المواقيف ينداس = ولاعاد يفيده لو تذكر خطاها