بعض اسئله المقابله الشخصيه

بسم الله الرحمن الرحيم

تو خالي جانا هاليومين زياره لجده المهم وهوو ملازم اول بالبحرية سألته عن المقابله الشخصيه وكيف وضعها

قال لي : هم يسألونك اسئله مو شرط اانك تجاوب صح بس يشوفون كيف ردة فعلك

قلت له عطنا بعض الاسئله اللي سألوك قال لي دخلت على العميد وجلست على الكرسي وكان الباب اللي دخلت منه معطيه ظهري المهم قام يسأله كيف الثانوي وكيف الحياه معاه ,, قال والله عايش على الكرسيدا وكل يوم اعطال ونص السنه بدون مكيف وكل يومين وهو عند ميكانيكي

وقال يسووولف على راس العميد وبعدين ساله عن وضيفه ابوه واقرابه العسكريين وساله عن معركه ذات الصواري ومتى نشأت الكليه وليش اخترت هالكلية بالتحديد وايش الكليات اللي بوزاره الدفاع والطيران المهم وبعد السواليف قال العميد لخالي لاتناظر وراك وقول لي ايش

لون الباب اللي دخلت منه ههههههههههههه يقول خالي كنت مرتبك شوي وما ركزت علىالباب هههه ,,,,وقال للعميد لونه ابيض ..وهو بكل وثووق ههههه العميد قال ليش لونه ابيض .. قال خالي لان لون الجدار ابيض فأكيد لون الباب قريب من الجدار ولان هالمكان رسمي فما يكون له لون غير الابيض هههههههه صرف له لوون المهم قاله قوم وبالتوفيق ولمى قام ولف وجهه وشاف الباب لونه اخضر وضحك خالي وقال للعميد ((كل شيء قابل للتفاوض)) ومشى ... المهم ويقول كان واحد من اخوياه دخل معاه واوول ما دخل قبل ما

يجلس بالكرسي قال له العميد وش الفرق بينك وبيين الحمار خوي خالي قال الفرق بيننا هالطاوله انصدم العميد وقال قوم انقلع برا ..... والصدمه انه انقبل


بسسس حبيت اقلكم كلام خالي وافيدكم واطمنكم ان الاسئله لست واجب انها تكون صحيحه

ما ابي اطول عليكم ادري طفشتكم الممههم خالي يقول لاااا ترتبك اهم شيء خلك واثق

واتمنى للجميع التوفيق والقبول باللي يبيه ويرضي الرحمن .. وثثكراا

__________________
يااارب انقبل بالبحريه

اجل خوي خالك سأله الضابط وش الفرق بينك وبين الحمار
و قال الفرق بيننا الطاوله
لا وفوق كذا انقبل بعد !!
لايكون مسجل بمنتدى هنود وبنقاليه وانا مدري !!
ترا خوي خالك مع احترامي الشديد لك انت وخالك ((( كذاب )))


لان السالفة هذه حقيقية وواقعيه!!
و حصلت في عهد جلالة الملك سعود الله يرحمه في الادارة العامة للمباحث الادارية بالمنطقة الشرقية
وحصلت بين لواء مهندس و رقيب اول اداري
وناس كبار كانو حاضرين هالسالفة وناس معرووووفه وترا يكون لعلمك الضابط الي سأل هالسؤال راح غلطت حياته !!! انت تدري ولا لا ؟؟
اتحدى ضابط يتجرا ويسأل سؤاله هذا !!
لان كل الضباط وخاصة القدامى يعرفوون هالسالفة!!
ماعلينا من المبزرة الاخيرين ذولي ماعندهم سالفة.


والي رد عليه بكلمة الطاولة ما قال طاولة وبس !!
رماه بالسلاح لكن الله كتب له حياة وصار عنده اعاقة وفوووق كذا خصاااه يعني باختصار انتهت حياته الجنسية ان كنت ماتعرف كلمة خصاه
وحصلت فيها شيخة وصلح وقبايل وكبرت السالفة لدرجة ما تتصور وترا يكون لعلمك الرقيب اول الاداري تراه ولد شيخ قبيلة!!


وبامر من الملك فيصل كان وقتها هو ولي العهد


سجنوا الضابط سبع سنوات
والرقيب خمس سنوات
ثم تم طردهم من الخدمة العسكرية ..



طبعن اثنينهم ماتوا الله يرحمهم ويغفر لهم


لكن الي يومك هذا سالفتهم باقي تذكر الي يومك هذا



والناس زودت بالكلام وانقصت فيه
وعندي اثبات على الشي هذا من اوراق تحقيق حضروا فيها الضابط والرقيب..


زبدة الكلام الي ابي اوصله لك ياخوي


انك لا تصدق كل ما يقال لك


في امان الكريم

منقول