سلطة البيض بالبطاطس

طبق سلطة مليان بالعناصر الغذائية المفيدة




النهارده هنعمل وصفة سريعة للفطار أو العشاء، مليانة بالعناصر الغذائية المفيدة..

سلطة البيض بالبطاطس
المقادير:
2 بيضة مسلوقة
2 ثمرة بطاطس مسلوقة
2 ملعقة كبيرة زيت زيتون
½ كوب جبنة رومي مبشورة
ملعقة كبيرة مسطردة
ملعقة كبيرة خل
2 ثمرة فجل
حزمة جرجير
ثمرة خس
ملح وفلفل

الطريقة:
1- قطّعي الخس قطع كبيرة، والفجل قطّعيه شرايح، وقطّعي البيض بالطول إلى 4 أو 6 شرائح، وقطّعي البطاطس مكعبات.

2- حطّي الخس والفجل والجرجير في طبق كبير وحطي عليهم الملح والفلفل والخل والمسطردة وزيت الزيتون، وقلّبي الخليط، وبعد كده ضيفي عليه قطع البيض والبطاطس وقلّبيه، ورشّي الجبنة المبشورة على الوش، وقدّميه.. وبالهنا والشفا.

وبكده تكون خلصت وصفتنا النهارده..
استنونا بكرة مع وصفة جديدة..
سلام..