مجاراه لقصيدة السبيه خافق الشوق

حياك يا شاعر له الذوق مطروق=راعي الجمايل والمزامير بيده
هو والقصايد حب عاشق ومعشوق=لا رادها بالفن جت له تريده
ذكرتني باللي به القلب مطفوق=وفز قلبي وانتفض من جميده
والنوم من عيني تقل سار مسروق=ما غير اقلب في حكايا سريده
راعي العيون الي لها كل شي ايروق=البدر في حسنه بنظره تبيده
والا الجدايل كنها اليل به ذوق=غطا سواده ع اليالي السويده
الزين فوق الذوق والجسم ممشوق=وش عاد باقي ما المزايا تزيده
لا شال بالطاروق صوته به ارقوق=كل اللحون اتسير عنده وريده
الوقت فرق بيننا واصبح ايعوق =وصله مسافات الزمان المكيده
سكنت با عماقه ومن جوفه اذوق=طعم الحنان او طعم روحٍ وديده
اتذكره واصيح والقلب محروق=واسري على ذكراه ناري وقيده
الروح ما تسلى بغيره ولا اتروق=وان جاملت فالجرح تبقى تعيده
قمت اتحسس له وقلبي به اشقوق=البعد كاويني بدنيا نكيده
هذي وصاتي كان يوصله منطوق= مات الفرح والرح لجله طريده

اتشرف بهذه المجاراه من شاعر بحجم الهمس
وقصيده بحجم وروعة قصايد الهمس شاعر من
الطراز الاول شاعر بكل ماتعني كلمة شاعر
قصايده تتربع على عرش الشعر قصايد في القمه
تشرف كل من يقراء عذوبة الابيات وروعة المعاني
صح لسانك ملاييييييييييييييييييييييييييييييييييين

اشكرك اخي السبيه على هذا التقدير
وهذا من جمنال ما خطته يداك
وتقبل تحياتي ولك عميق شكري