السندس الاخضر

انا شاعر واحب الشعر واقبل كلمة النصّاح=
ولااحب الذي يخلف نضام الشعر واوزانه=
+=
ترى بيت الشعر مامون مامرو به السواح=
وله حرّاس تحمي جونه المعمور واركانه=
+=
وله بيبان معروفه وكل باب(ن)وله مفتاح=
وبيت الشعر لايمكن يروحه غير سكانه=
+=
وبحر الشعر مايقواه غير الماهر السبّاح=
يغوص بداخل اعماقه وخذ لوله ومرجانه=
+=
وانا له فارس(ن)مغوار اروّض خيله الجمّاح=
ترى للشعر فرسانه وانا من ضمن فرسانه=
+=
والى من غرّد القمري ورفرف في هواه اجناح=
يغني له شغف قلبي وروحي منه طربانه=
+=
ولو في قلبي المسكين من عذب اللحون اجراح=
اجر الصوت واروي الشوق من مغناه والحانه=
+=
ومن يخدع حروف الشعر مثل السارق المزّاح=
سلب وزنه وقيفانه وضيع منه عنوانه=
+=
ولو يدرو به النقّاد لايهنا ولا يرتاح=
يشوفون اختلاف الوزن في لحنه وقيفانه=
+=
ترى للشعر ميزانه يعدّل كفّته ماطاح=
وبيت الشعر له ناسه ولايجفاه خلاّنه=
+=
شبيه السندس الاخضريغطيه الجمال وشاح=
ولاتذبل به الاوراق مهما طالت اغصانه=