كفو

كفو ياشاعرن وافي قصيده ناب عن قومـه=قصيده زاد عن غيره ولاضنـي نجـد زيـه
قصايد فـن مبنيـه وموزونـه ومحكومـه=ترى القيفان مرصوصه على الميزان مبنيه
كما القوس الذي يرمي ولاتفتر به اسهومه=رماحه صابت الاهداف لاروغه ولا اخطيـه
قصايد فوق هام السحب ماتنزل عن اغيومه=قصايد مثل نور البدر ضاح الليل من ضيـه
قصايد في معانيها تضـم البحـر وتلومـه=وترقا للسماء حتى تصافح شمسـه الحيـه
قصايد في كتاب المجد محفوضه ومرقومـه=قصايد في كتاب الفخـر مكتوبـه ومقريـه
قصايد تطرب القاري بريشة فن مرسومـه=قصايد كنها القنديـل شموعـه دوم ولعيـه
قصيد الهمس الى شفته بينسى قلبي اهمومه=قصيده له فـي الامـداح والتمييـز ماريـه
كفو ياشاعرن وافي قصيده زادت اسهومـه=قصيده مثل غصنن طال واوراقه لهـا فيـه
وله كل القصايد تنحني غصبن ومرغومـه=جنوبيـه وشماليـه وشرقيـه ونجـديـه
كفو ياشاعرن وافي ولاحد ينقـد اعلومـه=وفالك مجلسن عامـر ودلـة كيـف بريـه