ابغا نصيحتكم وشوركم لهذا المسكين

بسم الله الرحمن الرحيم
كلمني احد الذين التقي بهم شبه استمرار فقال لي
تعرف اني متزوج وابنائي كبار وبعضهم تزوج وانا في احدى المرات تكلمت مع احدى قريباتي وقلت لها دوري لي زوجة وبعد ايام اخبرتني انها حصلت وحده ومستعدة تتزوجني قلت لها لازم اكلمها وكلمتها
ووضحت لها كل مافيني من العيوب والمحاسن فقالت ماعندي مانع اتزوجك فأرسلت احد معارفي ليكلم اهلها مبدئيا واذا اخذ الموافقة اتقدم بشكل رسمي لكن اهلها اعتذروا انها لازالت تدرس وانتظرت سنين وكلمتهم بنفسي واعلم انها انتهت من دراستها ولكنهم اعتذروني وقالوا لازالت تدرس
البنت عاهدت انها لاتتزوج غيري رغم اني ارسلت عليها وقلت لها مالي عندكم نصيب ولا تردي نصيبك اذا جاء ولكنها مصرة على ان تتزوجني او تبقى عند اهلها
واكمل قائلا انا الان في حيرة من امري وش تنصحني اسوي وياليت تعرض موضوعي في المنتدى لعلهم يرشدوني بما هو انفع لي
قلت امري لله اعرض موضوعك واستشير من في المنتدى
وكان الله في عوننا جميعا
تكفون انصحوا المسكين وقولوا له وش يسوي في هالورطة

موضوع صاحبك ياالرحال فيه نوع من الغرابه ولكن ماله الا يكلم
البنت تحاول تقنع اهلها انها راضي به وتحبه ولاراح تتزوج غيره
اما اذا استمر رفض اهلها له ماله الا يصرف نضر عنها

البنت لي حطة شئ براسها

والله ما ترضى بغيره

بس نصيحتي له

ان يستخير الله قبل كل شئ

ويدعـي

اخي علي السبيه
اخي واااافي

اشكركم على المرور والنصيحة
والله يكثر من امثالكم
وراح اقول له بنصيحتكم

اخوكم
الرحال999

السلام عليكم
انت قلت يا اخوي الرحال ان الرجال كبير وعياله متزوجين يعني عمره تقريبا فوق الـ45 هذا تقريبا ويمكن يكون اكبر من العمر ذا بكثير
والبنت لسى مخلصه دراستها نفرض انها مخلصه توهاالكليه يعني اقل من خمسه وعشرين سنه يعني فارق السن على اقل الاحوال من عشرين الى ثلاثين سنه.
طيب هل يرضى صاحبك هذا يزوج بنت من بناته عمرها عشرين سنه لواحد تعتبر هذي البنت من سن عياله حتى لو البنت راضيه يفكر انه ما يسعدها مثل ما راح يسعدها واحد من سنها البنت صغيره ويمكن انها تفكر بقلبها اكثر من انها تفكر بعقلها وما تعرف مصلحتها زين وصراحه الرجال هذا افضل ما سوى انه صرف النظر عن الزواج بها زي ما قال الزواج قسمه ونصيب.

صراحه افضله انه ما يظلم البنت معه لانها من سن عياله وزي ما قلت ما راح يرضى يزوج بنته لواحد في سنه وانصحه بانه يقطع علاقته بها

على فكره 39% من نسب الطلاق بالمملكه من الازواج الغير متكافئين بالعمر

وليه تقول عن صاحبك ذا انه

مسكـــــــــــــــــــــــــــــــــــــــــــــــ ـين

ما اشوف انه مسكين ولا شي زواج و ما تم عااااااااادي الا اذا انه يحبها في هذا الحال اقول انه مسكيييين والا نقول الله يشفيه حسن لانه مب صاحي مع احترامي له ولك اخوي الرحال

عيون المها الف شكر على المشاركة
فعلا هو كبير وتوضحت منه فيما بعد لماذا يربط نفسه بها فأخبرني انه يشعر بالذنب حيث وعد البنت بالزواج وتقدم لخطبتها وهو فعلا يرغب الزواج
ولما رفض اهلها اخبرها بذلك وطلب منها ان لا تفكر فيه الا انها اصرت على ان تتزوجه هو او تبقى بدون زواج ورفضت فكرة الزواج من غيره وتقدم لها الكثير ورفضتهم فيقول ماذا افعل اتركها بدون زواج او احاول مع اهلها عسى ان يوافقوا ولكن كيف الطريقة
هو محتار بين هذا وذاك وحيرني معه
نسأل الله ان يوفقنا جميعا لما فيه اتباع مرضاته

موضوع صاحبك ياالرحال فيه نوع من الغرابه ولكن ماله الا يكلم
البنت تحاول تقنع اهلها انها راضي به وتحبه ولاراح تتزوج غيره
اما اذا استمر رفض اهلها له ماله الا يصرف نضر عنها

أقوول هو أنسان كبير في عمره الله يسحن لنا وله الخاتمه مافيها شي انه يتزوج مهما كان عمره البنت بس بعد موافقتها

بس يااااخي ليه مصر يتزوج هذي البنت وهو كان يدور على اي بنت يعني وقفت له هالمشكله هو أحد الأمرين اما ان الرجل يبي يتزوجها
عطفا عليها او انه ما حصل الا هي ..


نصيحتي له هو يقول كلمها وعاداتنا ما تسمح بالشي هذا انه يتفاهم مع بنت باقي ما تزوجها واهلها مايدرون عنه وهو انسان مو مراهق

دور على غيرها وبلاش تتعبنا ههههههههه امزح

نقول اصبر بس قهر يضيع من عمره خمس او ست سنوات << صح

او خل البنت تكمل دراستها و دور على غيرها ياكثر البنات الايام هذي

بسم الله الرحمن الرحيم
الف شكر لكل من مر وابدى رأيه في الموضوع
وهذا الموضوع اعتقد انه ليس الاول من نوعه رغم محدودية معرفتي الا انه ربما مر في نفس المشكلة ناس اخرون او مشكلة مشابهة وانتم ماقصرتم كل واحد ابدى رأيه ونصيحته والله يعطيكم العافية

يعرف صديقك يابو محمد عاداتنا البنت لاتملك شيء من امرها لكن الحل الوحيد اذا كانت امها من النوع اللي يتفاهم وتقدر على زوجها تكلمه تقول له الرجال تقدم اكثر من مرة وليه ماتزوجه فالام اقدر الناس الى الوصول للزوج ( ابوها ) واعطاءك النتيجة النهائية

ايه او لا

ان قال لا فلاعاد تطرق اي باب

وتقبل تحياتي