أهون من اللي تثق فيه و يخون الثقه

لو قلت نور الفراق بـ ليل الأحباب لاح=اشوف همي سحايب مرعده مبرقه
و يغرد الطير في صدري كسير الجناح=لكن في شبر مويه ما قدرت اغرقه
تخيلي نجم ضحكي فوق الآحزان طاح=و ورد الأفراح حولي مقدر استنشقه
بفقدك و استفقد اكثر منك طعم القراح=و ازفر على العمر من دونك و ارد اشهقه
في وسط الاعماق عقبك كل ما طفل صاح=للعشق ذكراك بكفوف الغلا تخنقه
اغتر قلبي و طاوع عزته و استباح=أثم ابتعادك و كابر و ارتكب موبقه
و استوطنتني طعون المخطيه و الجراح=و الهم بعدك سكني منطقه منطقه
كثير عمري في اغيابك ذرته الرياح=و احوشه يوم يوم و في رضاك انفقه
كل الجهات اصبحت ظل و ظلال اجتياح=و القلب مسموح من وده يجي يسرقه
قلبِ هويته و غدره مثل طعن الرماح=ما يشمله عفو في حبل الفراق اشنقه
ذنب التغلي و ثوراتي و كبت الجماح=اهون من اللي تثق فيه و يخون الثقه
ما دمت احس ان قلبي للفراق استراح=رغم ان روحي بكلمه منك متعلقه
كذا انتهينا و أدرك شهريار الصباح=ان جيتي اهلين و ان ما جيتي اموفقه

الله الله على هذا الابداع والتصوير الشعري الرائع
خالد بن جلسه حين اجد اسمك اعلم ان هناك جديد ينتظرني من الفن والابداع
صح لسانك ملايييييييين ابداعك ليس له حد واعجابي ليس له حد
مع اطيب تحيه وتقدير

الله الله
صح لسانك ملايين على هذا الأبداع

ابداع يفوق الخيال صح لسانك مدد بلا عدد ياشيخ خالد
تقبل مروري المتواضع ومزيد من اعجابي