الخدّاع

هذه القصيده اخر انتاج علي السبيه الغلبان
ان مريتم مشكورين وان طنشتم مشكورين

	اثر الحقيقه تزعج الخدّاع اللي من احوال العرب مقهور . راعي النفاق اللي ردي طباع يغتم لاشاف الخلي مسرور . واللي بيلبس من رداه قناع ويزيّف الواقع بقول الزور . واللي لسانه باالحكي لذّاع كنه على شتم العرب مجبور . مايفرح الا باالخطر لا شاع والا بصكات الفتن والجور . حاقد يشيل من الحقود انواع تنهد في عينه جميع الدور . قلبه لفعل الخير ما ينصاع مليان غيض ومحقره وشرور . صاغر في الهِمّه قصير ذراع مايلحق الطولات عنها يبور . قلبه وروحه من رداها شباع والدم في مجرى العروق يفور . مذموم لا يشرى ولا ينباع والذم يهدم مابنوه قصور . للوصل مابين العرب قطّاع كنّه لباب التّفرقه مامور . والفتنه مايحسب لها شجاع ولا نقول للمعتدي مشكور . عند الذي معدوم زاد الصاع وبديرة العميان زان العور . ماللقدر فارع ولا مقراع يحتم وسيفه كم يدق انحور

صح السانك واعتلى شانك شاعرنا واديبنا السبيه حبيت اسلم يا الغالى واستمتع بالابداع

المشاركة الأصلية كتبت بواسطة ليل الوعد

الله يسلمك من كل شر ياليل الوعد ومرورك اعتبره شرف
للقصيده وصاحب القصيده وتاج على راسي فلا خلا ولا عدم

صح لسانك يالشاعر

قصيده جزله

لاخلا ولاعدم من التميز المصاحب لإسمك

تقبل مروري

ابو نايف

كلام كله حكمة .. صح لسانك ودام ابداعك يابو طلال
دائما تفاجئنا بمثل هذه الروائع

صح لسـآنك وسـآــمت آلآيادي
كـآـمـآت رآئعه كروعتك
تقبل مروري وخالص شكري

علي السبيه ....

صح لسانك ..وصح بوحك
حقيقه ماادري ايش اكتب او ايش اقول
نص فوق مستوى الاطراء
دام نزفك ودامت شاعريتك الراقيه
ابداع ابداع ماشاء الله عليك
تقبل مروري ...
احتراااااااااامي وتقديري .....

صح لسانك وعلى شانك ياعلي السبيه

مبدع كالعاده . الله يوفقك

المشاركة الأصلية كتبت بواسطة النادر الصغير

صح لسانك يالشاعر

قصيده جزله

لاخلا ولاعدم من التميز المصاحب لإسمك

تقبل مروري

ابو نايف

صح بدنك واشكرك جزيل الشكر على مرورك الكريم

المشاركة الأصلية كتبت بواسطة صقر الجنوب

كلام كله حكمة .. صح لسانك ودام ابداعك يابو طلال
دائما تفاجئنا بمثل هذه الروائع

تسلم طال عمرك واشكرك جزيل الشكر على مرورك الكريم