جديدي في مزايين الابل ..ادخل وشوف

	الله ياقهر قلبي يوم اشاهد مزايين الغــــــــــــــــنم قيمة الرأس منها والله انه يساوي قيمة ارضـــــا واللي قيمته سبعين الف يقلون راعيها رخــــيص واكبر القهر رخله وصل السعر فيها مية الفـــــــا يعني اعرض بها للبيع واشري بقيمتها شبــــــح والغريب ان بدويٌ فقير اشتكى ضعف المعيشـــه جا له في رخلته مليون لاكن عيّا لايبيـــــــــــــــع كنت اقل من هو الخبل الذي جاب فكرة هالمزاين وتراجعت بافكاري ورى واكتشفت انه زيــــــــــاد اول امزاينه فالابل والله يعلم عالنــــــــــــــــــهايه ماهو لاقي ولا شغله وعاود يربّي في الجـــــــمال كان مطلب زياد انه يكوّن له اسره مع جــــــماله بعد ماطردوه اهله من الحضر راح البـــــاديــــــه ثم عاود وهو تاجر وعنده من الاموال واجــــــــد قام سوا بها حملة مزاين وسووا له قــنـــــــــــاه هو صحيح العرب كانت تعّد الجمل منها وفــيــهـا وان ما للحمول الصعبه الجايرات إلا جـــــــــــمل لكن اللي حصل مايرضي الله ولايرضي عبـــــاده يصرفون الدراهم للمزاين ونحن اولى بـــــهــــــا

صح لسانك اخوي

تقبل مروري

اي والله ياخيه لصدقت صح لسانك ملايين على هذا الكلام

هو صحيح العرب كانت تعّد الجمل منها وفــيــهـا
وان ما للحمول الصعبه الجايرات إلا جـــــــــــمل
لكن اللي حصل مايرضي الله ولايرضي عبـــــاده
يصرفون الدراهم للمزاين ونحن اولى بـــــهــــــا

صح لسانك ملاييين

صح لسانك وعلا شانك وبيانك ...

ابدعت وفقك الله ...

تحياتي .

صح لسانك ياشاعر الحكمة الشاعر مصطفى سعيد يا استاذنا الكبير ، الناس اليوم فيها جنون غير طبيعي يشرون بأغلى الأسعار لأشياء زهيدة ما هي غالية لكن يكبرون المسائل ويضخمونها ،

والمصيبة البعض صار يشتري أشياء تافهه ، ولا باقي إلا مزايين الكلاب ، واظنها موجودة ،

وش رايكم في القرود يا كثرها عندنا ، وترى الناس يشترون ، الكيش بمليون لكن ما نقول

إلا حسبنا الله ونعم الوكيل .

محب الجميع
المـوج الجندبي

صحت لسانك ويعطيك العافية

مصطفى سعيد جمعان

صح لسانك وقلبك على هذه الصورة الشاعرية الراقية

جيد وابن جيد ومن دار اجاويد عسى الله يوفقك

تسلم على هذه القصيد الجميله..

تمنى لك التوفيق والسداد وننتظر الاجمل اخوي مصطفى .

بس حبيت اسألك وهي لقافه منى بس لا تشره على ههههه

مين
( زياد ) الذي ورد في القصيده

صح لسانك يامصطفى وهذه أشياء فيها من الاسراف مالايطاق الله لايغضب علينا ولا يوأخذنا بما فعل السفهاء منا
(يصرفون الدراهم للمزاين ونحن اولى بـــــهــــــا)أن شاء الله انا في غنا عنهم وعن دراهمهم.ويغنينا الله من واسع فضله