قصيدة مائة عام

قصيدة مائة عام

للشاعر / عبدالواحد بن سعود الزهراني
------------------------------------------------------------
البدع

يا بلادي فـالك النصـر المـبين وعز ميت عام
فالـك التوحيد والمجد التليد وراية ما تنـــدث

راية اللون الخضر والسيف الاملح والشهادتــين
رفرفت وازهق بها عبدالعزيز ارواح جيش الباطل

وارتفع صوت البشير النصر لله ثم لآل سعــود
والجزيره رددت لبيك يا حي الندا والـــداعي

واحنا في زهران لبينا لا بو تركي وبايعنــاه
مسلمين مسالمين معاهدين بالــولا والطاعـــة

ما رفعنا رمح في وجه الامام ولا شهرنا سيــف
وحنا من قدامها بايام كنا نحتفل ونعيــــــد

ربعنا لما قتل عجلان كانوا في صفا عجـــلان
كانوا يستاقون كاس الموت هم والمستبد الــتركي

بالسيوف وزمهريات الرماح وباشهب الـبارود
ليت لك مبدا على ارض بالدم الحنان صبغناهـــا

والا فرحة خيل اطلقها الرعاد وقادها الفـراس
يومها كان السما ما هو سما والارض ما هي بارضا

يومها غاب الشفق حتى نسينا صورة الشفــق
يومها عرش السلاطين ارتعش حتى بدا ينهــاري

طالته يدنا في اسطنبول واحنا في شفا زهــران
يومها ما زاح مسراب النجوم الا جباهنـــــا

الرد

رغم من يحسد ومن يحقد ومن يجحد ومن يتعـام
رغم طلقات الرصاص اللي تعانقها الظروف وتندث

رغم حكم القاضي اللي ما يقاضي والشهادتـين
العرق والطيب ما تلقاه في وجه الخمول الباطــل

والسعاده لغز من يبدي لها حظه ويبن سعــود
كلها من ساعة الميلاد حتى ساعة الوداعــــي

من هو اللي فارد للعمر جلبابه وبايعنــــاه
الهموم سيوف ما تقتل ولكن شفتها قطــــاعه

ترتعش مثل ارتعاش الموج ما بين البحر والسيف
الزمان يجدد احداثه وحنا نجبره ونعيــــــد

ما جعلنا الحزن يذرف في دموعه والصفا عجلان
اسمنا معزوفه ما كل من غنا يصب اغناهــــا

واسمنا مثل النمر والنمر سبع ضاري فـــراس
من يخاف من الزمان وقال ما باضيق والا برضى

لبسه ثوب الستر حتى يزول الخوف والشــفق
لا قلنا زهران تنشق الصخور وتبحر الانهـــارا

اسمنا يبقى على بيض الثنايا والشفق زهـــران
واسمنا نصر يحالف كل جبه من جباهــــــنا

موفق بإذن الله

رعى الله المملكه وسكانها