مصيبه

هذه القصيده اخر انتاج علي السبيه الغلبان
ان مريتم مشكورين وان طنشتم مشكورين

مصيبه لو يعود القلب خايب=وبين اهل الهوى يصبح غريبا
رضع دُرّ الفراق وعاد شايب=ولا يمكن من اوهامه يطيبا
حبيبي يابعد كل القرايب=وقلبي غيركم ماله حبيبا
من الفرقى تحمّلت المصايب=غدى حالي من افراقك عطيبا
وقلبي قبر واضلوعي نصايب=وقف قبل السراط وله حسيبا
ينادي الشوق..دمع العين جايب=وفي عيني خيالك ما يغيبا
تهل الدمع هلاّن السحايب=وتسقي لوعة القلب الكئيبا
هجوس الفكر للفرقى ضرايب=لقلبي هاجس الفرقى مريبا
تكوّن من جيوش الحب كتايب=وترمي خاطري رمياً مصيبا
لو ان الحب له قاضي ونايب=شكيت امري عسى الشكوى تنيبا
لجمر الحب في قلبي شبايب=وفرق احبيبي زاده لهيبا
ولاني من ذنوب الحب تايب=ولا وصل الحبيّب لي قريبا

ينادي الشوق..دمع العين جايب
وفي عيني خيالـك مـا يغيبـا
تهل الدمـع هـلاّن السحايـب
وتسقي لوعـة القلـب الكئيبـا


صح لسانك يا ابو طلال والله يبعد عنا وعنكم كل المصائب ..قصيده رائعه بكل المقاييس .. تقبل مروري ودمت بود

صح لسانك وعلا شانك وأعاذنا الله وإياك من المصائب ...

ولكن ليتك أخترت إسم غير مصيبه ولكن إنت أدرى...لا عدمنا هذا التألق الرائع .

المشاركة الأصلية كتبت بواسطة نديم القوااافي

ينادي الشوق..دمع العين جايب
وفي عيني خيالـك مـا يغيبـا
تهل الدمـع هـلاّن السحايـب
وتسقي لوعـة القلـب الكئيبـا


صح لسانك يا ابو طلال والله يبعد عنا وعنكم كل المصائب ..قصيده رائعه بكل المقاييس .. تقبل مروري ودمت بود

صح بدنك يانديم القوافي واشكر جزيل الشكر على مرورك الكريم

المشاركة الأصلية كتبت بواسطة عاشق المها

صح لسانك وعلا شانك وأعاذنا الله وإياك من المصائب ...

ولكن ليتك أخترت إسم غير مصيبه ولكن إنت أدرى...لا عدمنا هذا التألق الرائع .

صح بدنك ياعاشق المها وكلامك سليم ولكن المصايب تختلف
الله يكفينا شرها ومرورك يسعدني ويشرفني واعتبره تاج على راسي