من المسؤول ؟ / صور من داخل مستشفى حكومي

.. السلام عليكم ورحمة الله وبركاته ..


صبحكم ربي بالخير و مساكم بمثله جميعا

قبل رمضان بعدة ايام اصيبت جدتي حفظها الله ورعاها بوعكة صحية وتم نقلهاا مباشرة لأحد المستوصفات

الخاصة لان الطبيب من افضل الاطباء في المدينة لكن في المستوصف الخاص رفض الطبيب علاجها واخبرهم
انه يجب نقلها فورا الى المستشفى لان حالتها خطيرة .. و تم نقلها وادخالها الى مستشفى الملك خالد بتبوك.

طبعا تبوك لايوجد بها مشتشفيات او مستوصفات خاصة ذات كفاءة حتى متوسطة الا بعض الاطباء في بعض المستوصفات.
واللي يمرض ويخاف على صحته قدامه واحد من هالحلول اما يسافر جدة او الريا ض او الاردن للعلاج او يتحمل ولا حول ولا قوة

المهم في الطوارىء الاستقبال كان عادي ولكن حين تدخلت الواسطة اصبح للمريضة اهمية وتمت معاينتها والاهتمام بها
وادخالها للمستشفى في وقت متأخر من الليل في غرفة مشتركة واليوم الثاني تم نقلها الى غرفة خاصة ..

ع لى الرغم ان الغرف الخاصة جميعها شاغرة ..
ولكن يجب تدخل الواسطة حتى تحصل عليها..

المهم


حنا ماكنا موجودين بهالوقت وصلنا ثالث يوم لاننا كنا خارج المملكة و أول شيء سويناه زيارة جدتي

واليكم الصور

التي ستتحدث عن نفسها وتوضح مدى الاهتمام بصحة المرضى والعناية بهم و لاحظوا انها غرفة خاصة !!




حتى علبة المعقم تقرف تمسكها وتعقم ايدينك كل ما في الغرفة غير قابل للاستخدام

وهذ ا ملف فيديو للمكآن ويمكن التصوير مو واضح ولكن الغبار و الوسخ يغطي كل شيء





احد كراسي المستشفى وحتى ارضية الغرفة قذرة وتمشي عليها كلها تلصق في جزمتك وانت بكرامة





وهذا التلفزيون من زمن جدي اعتقد من يوم بنوآ المستشفى وهو موجود وليته يشتغل
الطاولة مصدية ومنتهية والدولاب من داخل حالته يرثى لها نفس الشي






الستاير مو لاقين شيء يربطونها فيه الا حبل مطاطي اسود !!






سرير المريض وماحوله حدث ولا حرج

هذا فوق السرير شوفوا بس بنفسكم وفكروا متى آخر مرة تم تنظيف الغبار
والمصحف كيف ؟؟ الدولة تصرف ملايين وتوزع نسخ مجانية حول العالم
ووزارة الصحة ماكلفت عمرها تطلب مصاحف للمرضى.
استغفرالله حتى المصحف كيف يمسكه المريض كذا ؟؟






ولاننا مجبرين نستخدم السرير استخدمنا اغطية للسرير من البيت ..

هذا مكان شيء ملصوق من قبل وشايلينه والجدر النظافة واضحة عليه






اذكر زمان كانت المحاليل والمغذيات يربطونها بلاصق لكن هالشيء زمان
الحين فيه علاق مع كل مغذي لكن في مستشفيات وزارة الصحة نصف تطور عندهم






هالصورة حدث ولا حرج ما ادري بالضبط ايش الشيء اللي على الجدر ؟؟

هو قيء .. او بقايا عصير .. او شيء آخر... الله اعلم

لكن هالشي يثبت ان احسننا النية ان الغرفة لم يتم تنظيفها من آخر مريض نزل فيها ..

ازرار تشغيل الكهرباء لوحدها تخليك تعقم ايدينك الف مرة قبل استخدامها





طيب نروح لـ دورة المياة وانتم بكرامه وهذي اللوحة على الباب عفى عليها الزمن






من الداخل الله يكرمكم حالة مؤسفة جدا حتى يوم غيروا اشياء لازالوا محتفظين بالقديم كذكرى يمكن






المناديل الورقية لو ماوجدت افضل





المفروض شركات التنظيف يوم يسوون دعايات للجراثيم المتراكمة يجون يجربون منظفاتهم هنا





وملف الفيديو هنا بتشوفوا كل شيء على طبيعته ويمكن محسن لقلة جودة الملف بعد التصغير

طبعا جدتي ماكانت تقدر تقوم من السرير طلبوا لها من اول يوم تراب لـ التيمم
قالت الممرضة مافيه بالمستشفى بيطلبون لها وطلعت من المستشفى ولا جا شيء !!


احد سراير الغرفة المشتركة في القسم ( جراحة ) كان مغطى بالدم وتم نقل مريضة جديدة
عليه بعد خروجها من علمية جراحية ولا تدري عن الدنيا حولها واذا صحت !! ممكن الدم يكون من عمليتها !!


الممرضات مايعترفون باستخدام المقصات او القفازات ويستخدمون اياديهم و اسنانهم لقطع اللاصق
واذا اخذت عينة او اعطت ابرة مافيه مسحات طبية لا استخدمت منديل مستخدم على الطاولة !!


في المستشفى مانلمس شيء الا قبل وبعد التعقيم بمعقماتنا الشخصية

والحمدلله وثاني يوم طلعنا جدتي من المستشفى الله يطول لنا بعمرها ويحفظها لنا يارب

للأسف كانوا مجبرين ادخال جدتي المستشفى وحالتها ماتسمح لها بالنقل الى اي مستشفى
وللاسف ان تبوك اصلا خير شر مافيها مستشفيات خاصة تتقبل اي حالة ولا فيها كفاءات طبية .


.. ولكن الأهم في النهآية ..

من المسؤول عن كل هذه الفوضى ؟؟ والتي تعتبر غيض من فيض !!

انا ماتعمدت التصوير ولكن كآميرتي كانت معاي واللي شفته اجبرني اصوره .
عل وعسى يراه مسؤول وينظر الى هذا التسيب في مستشفيات وزارة الصحة والتي قد تنقل عدوى
وجراثيم الى المريض بدل ان تعتني بصحته والسبب قل الرعاية واهمال النظافة على الرغم ان الدولة تدفع الملايين في المقابل ..

مآ أقول غير

.. الله يشفي مرضانا ومرضى المسلمين ويديم علينا الصحة والعافية ..

المزيد...

تبوك نعرف انها سيئة جدا .. والحمد لله اننا وجدنا في الكرة الارضية واحد يتحدث عن عيوب تبوك


غيره ماقدر يكتب اي شي

تبوك وغير تبوك الكثير


صورة مع التحيه لوزير الصحة

الله يعدل الاحوال إن شاء الله ونتطور

الله يعينكم ... وإن شاء الله حد من المسؤولين يشوف هاذي الفوضى

وانت ماقصرت تحدثت نيابه عن اهل تبوك

ودمت بود ^_^