البرنسيسه

البنت لاجت تنشدك قالت اشفيك = اكيد فيها شي تبغا تقوله
احساسها ورا لها خانت يديك = ياهي تكهن شي ماهي بحوله
عاد انت لازم تستمر بتماديك= وتسوي انك ما تقلد فضوله
اول سؤال تقول من كان يطريك = واول اجابه اعتبرها عذوله
وثاني اجابه حط يدك ف مخابيك= وطلع مناديل الدموع الخجوله
لاقالت اشبك قول وشلون اماريك = وانتي بقايا ذكريات الطفوله
دايم انا المضلوم وان جيت اخاويك = القاك ظلم وفي قرارك عجوله
ماقلت كلي ناوي اقاسمك فيك = لكن بغيت اعطيك كلي وحوله
عاد انتي ارهبتي مشاعر تداريك = واليوم انا مرهب شعورالملوله
خذها وتوهها بحكيك وتبكيك = عاد انتبه الورد عيبه ذبوله
والحين حسسها بما هو يهنيك = قل علميني ولا تقول مهبوله
خلها تظن ان الذكا مايدانيك = وانك على النيه رفعت الحموله
خلها على هالناس دايم تبديك = وسو نفسك في البدايه تعوله
قل من صديقة خاطرك يوم تغليك = وان صادفت باسم المطر ياهطوله
الحين تبدا لعبتك مثل ما ذيك = تبغا تلاعب خاطرك بالعموله
حب البنات وواحده خلها كيك = حلي بها لاشح عشق بفصوله
واليا انكشف امرك فلا حد يعزيك =لازم تطبق ما يجي في المقوله
فرق تسد واحذر من الحب يكويك = ولازم توسم كل شي تجوله
هذي سوالف عشق عند المماليك =مثل البرنسيسه عمت كل دوله
لاصرت حبيت النكد وش يسليك = ولاصبح نديمك شك وشهي حلوله
يعني اذا جت تنشدك قول وش فيك = عمر الوفى في الحب ماحد يطوله
اقلها الاحساس لاخان لبيك = يعجز عن اسمك يوم تبغى تقوله
*****=*****
الحقوق محفوظه= النادر الصغير .م

يسلمـو والله

النادر الصغير

قصيدة جزلة ورائعة وكبيرة

صح لسانك وعسى الله يوفقك

صح لسانك ولاهنت أخوي..النادر الصغير..

تقبل مروري واحترامي..

......



















,,,

صح لسانك ياالنادر الصغير ايدعت في تقاسيم هذه المعزوفه الفريده

قصيده رائعه
صح لسسسسسسانك
يعطيك الف عافيه
دمت