جديد عبدالواحد بن سعود(بيني وبين النور قطعة من الليل)

بيني وبين النور قطعة من الليل=تزداد ظلمة لا اصبح النور وهاج
وآنا على اكمل ما يكون اسرج الخيل=وانصب حوافرها على درب الادلاج
يرجع صدى نبضات قلبي مواويل=أونس لها بين الشرايين مونتاج
جذبت بين ضلوعي الجدي وسهيل=واصبحت مسخ من السماء ذات الابراج
علمني اليأس اختلاق الاباطيل=ألجأ لها لوكنت ماني بمحتاج
يادمعي اللي حرضتك المناديل=مازالت اوراقي حبيسه فالادراج
أرجوك لا تدخل معي في التفاصيل=لاعاد تحرجني ماني ناقص إحراج
ذقت الهموم بنكهة البن والهيل=صدري لأباهير العذابات مهباج
ماعاد عندي ناصية للأكاليل=ولاعاد عندي هامة تحمل التاج
مرت سنه وآنا تقصّى المداخيل=وعشر سنوات اليوم أدور لمخراج
والعالم الله في الليالي المقابيل=يمكن يجود الحظ للجرح بعلاج
عبدالواحد بن سعود=

عبدالواحد شاعر يخلّد القصايد مثل ما قصايده خلّدت اسمه
شاعر يغنيك عن كل الشعراء وقصايده تغنيك عن كل القصايد
شكرا لك ياشيخ متعب

عوافي على النقل المميز

مشكورين احبتي على طلتكم البهية

مروركم شرف لي

لكم مني خالص شكري وتقديري

مشكور ياولد دوس على النقل الرائع
بيض الله وجهك

شاعر وصح لسانك ماشاء الله عرضة نظم قلطه وافي مشكور متعب