اضحك مع عبدالله بن سعدي!!!!!!!

احبتي اهلي وجماعتي

بعد التحيه والاحترام

انا دائما اقول مانعطى وجه

بس انتم الله يهديكم تشجعوني علي ان اكتب واطلع المستخبي

السالفه مضحكه شوي وربما تزعل بعض الناس علينا

كتبت مستعينا بالله مانصه

خطب احد الشباب المزركش عند احد البيوت في احد بناتها المحترمات
وحده يقولون تهول عودها تقول شخموت عثرب
وبعد ان كتب الله النصيب تمت الموافقه وتم الصلح ومن بعده الملكه
وتواعدوا على ميعاد الزواج

الي هنا والموضوع عادي

نبداء في التنخاش


اصبح االواد العريس الحلو المسمسم سرداحي مرداحي في بيت العروس وين غادي عند ارحامي ومن فين جاي من عند اهل المدام
الله يرحم ايام زمان والله ماكنت اقدر اوطوط من عند بيت محمد بن سعد
الا والحصى في ثاري انقلع منحن مصاريه كل يوم وانت عندنا

مرت الايام وعريس الهنا ماعاد يشوف امه وابوه الا نادر
وفي اخر زياره ملكيه للعروس وهي باقي في بيت اهلها
مر عليهم كالعاده زي ماقلت لكم اخونا مبنشر عند المودام مادرى انه باقي يشبع وفي ايده كسره
ويوم اقترب من البيت سمع ام العروس توصي بنتها تحت الدرجه
اسمعي وانا امك الحره تغدي حره والشاطره تركب على زوجها من اول ليله وتضلي قويه شخصيه
لاوصيك لاتضلين فدغاء اول مايدخل عليك لاتعطينه وجه وتنهبريه وقولي له بعين قويه قم
اعطني ماء اشرب
واذا جلس بجنبك قولي قم اقعد كذا حل عني
واذا بداء يستخف دمه ويقرب منك قولي له قم شف هذا الصوت اللي عند الباب
واذا عود وجلس اطلبي منه يسقيك عصير طبعا من نذاله الام راحت جابت لهم من عصير زمان منقا ابار وزيني وحطته في الثلاجه يعني يبغاله يخرج يجب مفك يفتح به العلبه
الله يرحم ايام زمان كنا نفكه بمسمار ومصدي بعد
واذا وانا امك حسيتي انه يسمع الكلام وينفذ طلباتك اعرفي و تاكدي انه مطيع لك وانه بيسير شخشيخا وبعدها راح تسيرينه على مزاجك
واذا ركبتي على ظهره ما عليك من اهله خليهم بقعاء تصوعهم

العريس سمع الهروج والوصايا وتسلبى واعطاها المسبوله وعود بيتهم
وهو يفكرفي الكلام و في ليلة العرس

كل نسوان الجماعه جو وطرحوللعروس

عصر يوم الزواج
وصلو الروحات وهاتك غطاريف ولعب واللي تدق والي تدوخ اللين وصلت سياره العروس مشرعه وحركات هيا يالله يانسوان تاخرنا مشت سياره العروس والروحات وراها والعالم بواري طول الشوارع ومساقطات وقطع اشارات

وصلت العروس وانبسطو ولعبو ورقصو اللين تفككت صواميلهم وجاء المسرى كل واحد بداء يدعي عياله
زهمت ام العريس عريسنا ياخذ ست الحسن والجمال ووصايا امها تنقع تقول زير في اذنها
اخذ الرجال عروسته وفسخ بشته وحطه في المقعده الورانيه
وعلي عش الزوجيه
وصل البيت ودخلو غرفتهم
علي طول ماهلا قعد مسكين قالت له قم اعطني ماء اشرب
راح العريس وبكل ذوق وبحكم انها باقي عروس ماتعرف البيت راح يجيب لها
ماء
قالت في نفسها والله ان امي صادقه الرجال مايبغالهم الا العين الحمراء
قالت في نفسها خلني اكمل خطه امي واتمكن منه
وماهلا نوت وقالت له بالطلب الثاني وباقي ماخلصت ويصمقها بذاك الكف
على وجهها الا وهي فاغره
وقامت تبكي وتصيح سمعتها عمتها تبكي وتصيح
دقت عليهم الباب عسى ما خلاف وانا امك

رد بصوت مرتفع
لا يامه الله يطول عمرك مافيه شي
ما هلا بغت تركب وطاحت

وسلامتكم .......... والله احبكم

عبدالله بن صالح سعدي

هههههههههههههههههههه


الله يعطيك العافية وصدقني الوقت تغير والدنيا تغيرت وما عاد فيه راكب ومركوب أصبح التفاهم سمة الزوجين المتحضرين الملتزمين بسنة محمد عليه أفضل الصلاة وأتم التسليم.

بصراحة شي يقهر
لان القصة جات متأخرة
بعد ما وقع الفاس بالراس

سجل عندك واحد جاب برادة موية

كل الشكر لك ابوصالح على السالفة الحلوة

منقووووووووول

الله يعطيك العافيه قصة مررررررررررررررررررة حلوة
لكن أغلب شباب اليوم حسابهم خالص

مشكور على الطلة الجميلة ونبغى من الشيبان من يمر ويعلق خلنا نشوف وش بيقول

هههههه,,,,,,,,,,هههههههه

تحمد ربّها ما هلاّ صمقه ...

الله يعطيك العافيه يابواحمد على النقل الرائع....

مشكووووووووووووووووووووووووووووووووووور هههههههههههههههههههههههههههههههههه


ونبغى قصة اللي بعنوان وانت مامعك اخوال تشرد عندهم
اللي يعرفها يسردها لنا