%%% (( تعــــــال أبغــــاك فـي حـــاجـه !! )) %%%

قَبَلْ تمشي وتتركني أعيش الهمّ ليل إنهار=
وقَبْل إتغيب عن عيني تعال أبغاك في حاجه=
أنا في خاطري من واقع أحزاني علوم إكثار=
وبحر الحب لي عامين تتلاطم بيَ أمواجه=
فراقك شي مو عادي على قلبي..وحبك نار=
وكيف أرتاح من هجرك ونار الحب وهّاجه؟=
دخيلك لا تطالب بالصّور..خلّ الصّور تذكار=
بقايا حُضن لأشواقي..و طِبّ الجرح وعلاجه=
على ماصار من تجريح فالمبدع على ماصار=
لقيت الحظ في وجهي قَفَلْ بابه بمزلاجه=
سهرت الليل أنا وسهيل وكنّ سهيل سابع جار=
وكانت شرهتي شرهه على القنديل وسراجه=
عليك أغار من جلستك بين أهلك.. عليك أغار=
ومن عِقْد الذهب تجتاحني غِيره ومن تاجه=
إلى منّي ضحكت وطابت السهره مع السُّمّار=
تذكّـرت الغـرام اللي ضرب قلبي بكرباجه=
أحِبك حـب جمهوري معلّمني فنون الزّار=
وبعض الحب يدخل من غلاف القلب للصّاجه=
على شانك تحمّلت الكثير ودمعتي مدرار=
وأجامل ناس لعيونك وأنا مالي بهم حاجه=
***