العشق والحياه

مثـل السحـابـه يوم تقـبل من ابـعـيـد
واللا مـثـل نـجـمـة سهـيـل الـيـماني
نـوره على خـطــوة تـريًـث مـواعـيـد
واللا تحـرًي عـيـد شهــر ارمـضاني
فـرحـه ولاتـمًـت وحــظــواتي أتـزيـد
وبـيـن الـرجـا والـياس شدً العـنـاني
وانـا رجـاوي والـرجــاوي تـغــاريـد
والـيـاس كـبـوه ما تـلـيــق بـمـكـاني
لوكان وقـتـي وقـت حـمل الـبـواريـد
كان انـتـخـيـت ابعـزوتي والـعــواني
لكـن راع العـشـق في سـاحـة الغـيد
مـثـل البـعـيـر الـلي يـجــرً السـواني
على عــزوفـه صــادرات ومــواريـد
حـالـه حـثـيـث ومن ظـروفـه يـعـاني
لـوالـمـشـاهي والهـقـاوي بـهـا فـيـد
ما قـيـل لـلـعـاشـق اسـيــر الجـنـاني
ولا كان في سلم الـمـوالـف مـقـاريد
يـرغـب بـحـال وحـالة الـولـف ثـاني
مثل الرضيع اللي على رضعـة الديد
مـلهـوف لهـفـه تـستـبـيـح الحــنـاني
لين الفـطام ايحـيـن وايصير اله قـيـد
ولا عــاد فــالاوضــاع كـاني ومـاني
لـكـن ديـد العـشـق روح ن لها سـيـد
دايـم على ومض الشـفـاه اشهـواني
صدقه وكـذبه سالـفـة عمرو مع زيد
صارت مثل والصدق صدق الزماني
ياللي على ضـوح العـيـون المجاريد
الـعــشــق كــنًــه دمــك الارجــوانـي
والعـشق نبض احاس يحـتـاج تأكـيد
على عـروش الـقـلـب يـبـني مـبـأني
فالـمـعــنـويـه قـصـر يـزداد تـشـيـيـد
وفي عالم الاحساس صعب المواني
أنـكـان مـا لـلـعـقـل فـالـمسـألـه أيـد
والـلا حـيـاة الـعـشـق أم الـهــوانـي

الله يعطيك العافيه