زواج عربجي - احلى سهررره لا تفوتكم

زواج عربجي - احلى سهررره لا تفوتكم

بسم الله الرحمن الرحيم
السلام عليكم ورحمة الله وبركاته

ياهلا والله .. حياكم
نورتوا الموضوع

دايم نحضر زواجات .. بس المره بخليكم تحضرون زواج عرابجه
يعني من نووووع ثــــــــــــــاااااااااااااااني
ماراح اطول عليكم
يلا اخليكم مع القصه

\
/
\
/
\
/



عرس عربجي على عربجيه(دحيم و حصيصه)لا تفوتكم
ابقول لكم وش صار في ليلة عرس دحيم
المواصفات

الاسم / دحيم الدلخ

العمر / منولد في سنة الطفره

الشكل / قزم ودب واقرع و وجهه كله خدود ومافيه عيون
باختصار يحوم الكبد

الولد دحيم داشر 24 ساعه مشاكل وتفحيط وخرابيط و هجوله
المهم ابوه قرر انه يزوجه يمكن يعقل الولد !!!!
ويقوم يخطب له ابوه بنت عمه حصه !!!

عاد حصه خبله مثله
المهم يوم جاء العرس ولا دحيم طالع مع اخوياه للثمامه يطعسون
وابوه يدق عليه
الاب: الووو دحيم وينك؟
دحيم : هلا والله طالع مع الشباب للثمامه

!!! الاب: جعل تطلع روحك يلا تعال اليوم عرسك
دحيم : طيب العرس في اليل يمديني ارجع المغرب
الاب: اقول امش جعل يامشي العصى على ظهرك
دحيم : طيب خلاص جاي
ويقفل التلفون

المهم ويجي دحيم ويلبسونه الخبل ناوي يروح بقميص نوم وطاقيه
المهم ويمسكونه اخوانه ويلبسونه ويودونه للقصر

>>>>>>> دحيم الا الحين ما يدري وش السالفه يبي يخلص بسرعه عشان يلحق على العيال
في الاستراحه يلعب بلوت
ويدخلون القصر ويجلسونه في المنصه وهو يقول ابي اروح اجلس عند القهوجي ابي اتكي معهم
واشرب شاهي ( والله منسم مررره)
ويلقطه اخوه ويجلسه على الكرسي
ويجونه الناس يسلمون
المعازيم : مبرووك منك المال ومنها العيال
دحيم : هلا ايه طيب يكون خير والله ما عندي ولا ريال
( قايل لكم مهوب وجه زواج)
المهم ويدخلونه على الحريم
يوم دخل

(وهو الي يفتح كشرته ( ابتسامه عريضه
ويناظر في ذا البنيات

المهم يوم طقو الطقاقات الا وهو يطمر ويرقص
ويسحبه ابوه ويقول اركد لا تفشلنا!!!!
المهم ويجلسه على الكرسي

وتجي وحده ترقص عنده وهو الي يضحك عليها ويقول اوووووه ما تعرفين ترقصين يا الدبه
وانواع الاستهبال المشكله الي ترقص امه مسيكينه تبي تفرح به ما درت انه ما يستاهل
المهم ويقومون البنيات يرقصون عنده وهو يناظر يقول صح يا الرقص مهوب رقص العيال في
الاستراحه امحق رقصصص ؟

الا وابوه يصفقه على جبهته
دحيم : طيب خلاص بانطم

المهم يوم خلصوا وهو ياخذ العروس ويركبون السياره
المهم ما درا الا تقوم حصيصه وتقول ما بغينا نطلع اقول ما عندك شريط كسراات ( شعبي) بشير شنان يعني؟
ملينا من ذا الطقاقات ازعجوني
الا وهو ينبسط على حرمته خبله مثله
المهم وتقول له
حصيصه : دحيم ابسالك سؤال؟
!!! دحيم: اسالي
حصيصه : انت الحين تعرف تفحط ؟؟؟
(دحيم : اكيد انا احسن واحد يفحط ( مسوي فنان عندها وهو ما عنده ما عند جدتي
حصيصه : والله ورني ابي اشوفك تفحط
(دحيم : توهق
(دحيم : خليها بعدين موب اليوم ( يبي يصرف
حصيصه : افا شكلك ما تعرف هههههههههههاي
دحيم : اوريك من الي ما يعرف
وهو الي يلف هذيك الفه وطراااااخ في الماصوره على طول
والحين حصيصه ودحيم في الشميسي الدور الاول غرفه 123
قسم الكسور
الزياره من 9 الى 12 ظهرا و 5 الى 9 مساء
بشرو ان شاء الله تهنيتوا بالعرس ؟




هــــــــااه وشرايكم بزواج العرابجه .. قد احد منكم جربه

: ــمـ ـنـ ـقـ ـو لـ :

هههههههه هههههههه ههههههههه

تسلم يالغالي

هههههههههههههههه



أضحك الله سنك


/

مشكورين .. ياشباب على المرور

ههههه

بكل الود والتقدير
اطلعت على موضوعكم وانه ليشرفني باسم الادارة العامة للمنتدى وباسمي شخصياواسم عضاء الادارة العامة للمنتدى ابارك لكم جهودكم وارجو ان يستمر التعاون المثمر من قبلكم لتزدان صفحات منتديا رباع بما لديكم
وتقبلو تحياتنا
رئيس مجلس الادارة
والمدير العام
مهور

ههههههههههه

من جد منسمين بس زين انهم بالرياض بروح ازوهم بكره
واقول لكم اخبارهم


يسلموووووووووو

مشكور يا صقر وهذا هو واقع الحال من الشباب الطائشين ونهايته العناية المركزة وتدفع الثمن الام المسكينة حسرة والم على فراق أبنها 0أما هذا الدلخ دحيم الله لا يوفقه لا هو ولا زواجه

ههههههههه
هذولا ضرب من الخيال هههههه


يسلموووووووو صقر الجنووووب
لاهنت

لالا زعلانه عليهم بقوه

ماعطوني كرت


ههههههههه

تسلم الله يعافيك