خـــذوني معكـــم 00!

قمت الصباح على صياح اخواني الثلاثه وهم داخلين البيت 00
وكل واحد منهم مسوي نفسه مهم وهم بصراحه ماعندهم سالفه
المهم نقزت أنا من سريري على الصاله عشان اشوف وش الهرجه
لقيت كل واحد منهم يدخل في كل غرفه ويطلع من الثانيه ولما شافوني
كل واحد مهنم قالي:
عبدالله: انتي يالمفهيه وين امي؟
وليد: انتي يالماصله وين امي؟
محمد: انتي يالطبله وين امي؟
ناظرتهم 00 وقلت خيييييييييييير في شيء
المشكله ان كل واحد منكم راسه منفتق ومايدور على امي
الا اذا جوعان او يبغى فلوس
قالو اخلصي وين امي بس
قلت امي ماهي في البيت
راحت مع ابوي معزومين
صاح وليد وقال : ياجماعه (مبدهاش) اليوم الشايب مهوب فيه معناها
ان فيه (اكشن) يالله ياشباب نجهز الجيب ونحمل العفش
وخلونا اليوم نطلع نضبب
بيمدينا نجي قبل مايجون
عبدالله ومحمد :ماشي ياشنب
ريــم:انتوا وين رايحين وتاركيني
وليد:لايكثر وانطقي في البيت
ريــم: بس أنا اخاف خذوني معكم؟
محمد: ماعليك عندك الشغاله
ريـــم: بس أنا ودي اروح اضبب معكم؟
عبدالله: وكم تدفعين؟
ريــم: ابعطيكم اللي معي بس تأخذوني معكم؟
كلهم قالو طيب
ريـــم:بس ياجماعه ماقلتولي وين بتضببون فيه؟
وليد: بنضبب جنب الوادي اللي عند بيتنا
ضحكوا علي اخواني
وقال عبدالله:في البر طبعاُ 00
صدق ياعيال البنت ذي اليوم بتجيب لنا العيد
قمت بسرعه ورحت غرفتي وربطت شعري وحطيت واقي شمس
ولبست النظاره ونزلت بسرررررررررعه
وقلت ها وش رايكم فيني ؟
اصلح اضبب صح؟؟؟؟؟
ناظروا فيني وقالوا صدق انك مهجوووله
وليد:اسمعوا أنا في هالرحله بكون الريس
يعني تسمعون كلامي واضح؟
قلنا ماشي ياررررررررريس
عبدالله :اول شي نبي نوقف عند المحطه نفلل السياره
محمد:وانا ابغى اشتري بطاريات للكشافات
ريــم :وانا ابغى شيبسات !!
وليد 00 اخذ جواله وقعد يكلم خويه
ويسأله عن موقع البر واسمعه يقول :220 كليو00
وبعدين نلف يسار بعد المحطه 00 وندخل في البر 20 كيلو00
واترك الجبال على حجاجي الايسر ثم ابتل
( إســــلــــم )
وخلصت المكالمه واكتشفت ان خويه ماعنده سالفه
من هالوصف
مشينا على نفس طريق وصف خوي وليد ومشينا في طريق
كله تراب وقلت لهم : ياجماعه وين الضبان الحين ؟
ضحكوا علي اخواني وقال عبدالله:الا انتي وش عرفك بالضبان
وسواليفها؟!
قلت ههههههه ومنك نستفيد
المهم من بعد ذاك الوصف طبينا في بر مليان عالم

كله شباب وتطعيس وحاله قال وليد والله البلشه
وش نسوي بهاللي معنا وصرنا نمشي نبي نبعد عن هالعالم

وبعدها بدت الدنيا تظلم علينا
وقلت لأخواني اثاري ماعندكم سالفه
عصبوا علي وقالو ان ماسكتي والله العظيم ان ننرجعك للبيت
سكت وبعدها دق علينا الوالد الله يحفظه وقال اررررررجعووووووا
الحين والا والله ياويلكم
ورجعنا وهم يقولون كله منك خربتي اليوم علينا 0000

يعطيك العافيه يالذيب صراحه انا بنقل اسمك الذيب ريم تبغا تضبضب ههههههههههههه

.

.

الساحل الشرقي

.

.

يا عساك مرتاح و متهنى

اكيد ولا بس مسوى نفسك

هههههههههههههههههههه

شكلك انخميت فيها

اعترف ياذيب و انت العسل يا عسل

تحياتي و اشواقي

عاشق رباع

.

.