قضية الحرم الشريف

يا لله باسمك بديت القـول واسمـك مقـدم

ياخالق الخلق والعرش ارفعه واستوى بـه
وصلاة ربـي علـى مـن للنبييـن خاتـم
انزل له الوحي وسط أم القـرى وابتدابـه
يقـول عبـد الله ابـو جــارالله تقـسـم
كما تقاسيـم صـوت العـود ولا الربابـه
خمسة عشر لليل حالفني السهر والله اعلم
وافيوز قلبـي تقطـع ملحـزن والتهابـه
والله ماكنت اضـن جـروح قلبـي تلايـم
لكن سبحـان مـن هـون علينـا عتابـه
يالليل يالليـل وش علمـك علينـا تحطـم
وادموع عيني تماطر مثل فيـض غمامـه
سهرتنـي بالحـزن يالليـل كنـك مشـوم
اخبـارك ماتنسـي حتـى تقـوم القيامـه
يـوم الثلاثـا مـن اول شهـر المـحـرم
غلاق تاريخ شهر اربعة عشر في حسابـه
صلى امـام الحـرم للفجـر حتيـن سلـم
والناس كلن دعى ربـه ويرجـى حسابـه
قامـت عصابـه وفيهـم واحـد " ياتكلـم
يقول انا محمـد المهـدي وينشـر كذابـه
وقـام يدجـل ويتهـدد ويقتـل ويضـلـم
هلل وكبـر وقـرر وارتجـل فـي خطابـه
وعنده أحـزاب مـا لكفـار زمـرة جهنـم
يصدقونـه وهـو متلفلفـا فـي ثيـابـه
ماهو بمهدي كذب يجدل على الناس مجـرم
الله يسخـط علـى الكـذاب فيمـا ادعابـه
متى خلـق مهـدي الكـذاب ومتـى تعلـم
كنه كما امسيلمه كذاب عقلـه صغـى بـه
لو كـان مهـدي هـداه الله تعلـم وعلـم
لكن كذاب ماحد صدقه في جوابه عصابـة
ابلـيـس يتحـيـل عليـهـم ويتحـكـم
في عزمهم يقلبـون الديـن شـر انقلابـه
لكـن مايسمـح الركـن اليمانـي وزمـزم
يحميهـم الله وامـا المعتـدي ياعـذابـه
مايستحي مهدي الكـذاب علـى الله يكـذب
واقبل جهيمان يصفقلـه ويحمـل زهابـه
قتلوا نفوسا بريئة فالحـرم وانجـل الـدم
خسر جهيمـان والمهـدي ومـن اقتدابـه
مايحسبـون ان رب البيـت بالسـر يعلـم
من عاند الله لبس ثوب الفشل وارتدى بـه
وصل الخير للملـك خالـد وفكـر ورسـم
ترسيم يحمي على الحجاج من كـل صابـه
وصل الخير للفهد وارسل لسلطـان وافهـم
واقبل وزير الدفاع بجيش مثـل السحابـه
وجا الحرص جيش عبد الله بقـوه تحـزم
احزاب عبد الله قل ياحي لـي ذا الحزابـه
وقـام نايـف وزيـر الداخليـه وحــوم
كما يحوم الصقر فـي نايفـات الهضابـه
تجنـدوا دولـة آل سعـود تجنيـد محكـم
وتقاحموا للحرم والجيـش مثـل الذيابـه
وغابت اجيال مكـه فـي جيـوش تلاحـم
مثل النهـار اللـذي جاللنبـي والصحابـه
واصبح جهيمان واكـذاب مهـدي معجـم
حتى اختبوا في منارات الحرم وارتقى بـه
ويوم ثاني تخبـوا داخـل القبـو مضلـم
ماحـد يكلـم ولا يتباصـرون العصـابـة
خمسة عشر يوم تحت القبو فلهـم والغـم
ما واحد" ذاق منهـم قطـرة المـا شرابـه
الموت خيـم عليهـم داخـل القبـو خيـم
مثل القبـر لاختـم لحـده وهايـل ترابـه
وتهجم الجيش فلقبـو الغليـض الموسـم
واستيسرهم وصفوا لكـل واحـد حسابـه
طلع جهيمان مثـل ابليـس خشمـه ملثـم
لابـارك الله فيـه ولا اللـي اقتـدى ابـه
اما الذي قالو المهـدي عليـه الله اغضـب
ذبح كما ذبحـه الجـزار واعـدم شبابـه
ما يدروا ان السعوديين فـي كـل موسـم
قيـام ويحافظـون الحـج مثـل الرعابـه
يحمون حج البحر والبـر والجـو منضـم
ولحج مامون من حفض الحرس والرقابـه
شعب السعودي من ارض الطور لا والموسم
كلـن يقـل للملـك خالـد حبيـب ويابـه
من ارض السعوديه زعت المعرفة واترنـم
وتجمعوا حولي ابطال الشـرف والصلابـه
يقلـون هيـا لتحريـر الحـرم نـا تقـدم
جنـود خالـد مـع شيباننـا والشبـابـه
ادعوا مع صوت ابو جار اله يا كل مسلـم
الله يعـز آل سعـود ودعوتـي مستجابـه
ولصلاة ربي على سيـد البشـر المعضـم
محمـد المصطفـى بالنـور تزهـر قبابـه

شيخ قرية رباع