السلف تلف

هذي قصه جرت بيني وبين صاحب قديم الاسبوع الماضي
جاء الرجال وطلب مني سلف وهو معروف بانه ما يخلص الناس والداخل في جيبه
مفقود وحاولت اصرفه بجميع الوسايل وبشتى الطرق ولكنه اشغلني بالاتصالات
والرسايل وفالاخير اعطيته الموضوع كاش وقلت له انك ما تخلص وانك وانك ,,,
ضاق مني وما عاد يكلمني ولا يسلم عليه قمت نظمت هذي البيتين

البدع : ابو راكااان=
*=
الموتر شغال وسيور المكينه والسلف تلف=
الله يا كم مغتني مانع بقايا عيشته ومعونه=
عن فقير(ن) جايع(ن) يمسي ويصبح خالي اليدين=
والكتاب اللي صدر عارف مضامينه وعارف طبعه=
قبل ما تتوزع اخباره مع اهل البث والريال=
واللي حارب فالمعارك لا هيا له ينجرح ويكلم=
حتى لو ظلت كفوفه في نصاب السيف ليزمان=
والقاضي لو طبق الاحكام بين المعتدي والعادي=
شتت الفتنه وغلّق بابها بالطيب والمعروف=
واللي ما عنده ذهب واموال ما يقدر يقدم شرهه=
واللي سدان الحرم مايعرفونه لا يسدني=
*=
الرد : ابو راكااان=
*=
قالها الاول ضياع المال نقمه والسلف تلف=
والمثل في صاحب(ن) جاني يدور سلفة(ن) ومعونه=
قال انا والله يابوراااكان مزحوم وعلي دين=
وانا مقروص(ن) منه من قبل تالمره وعارف طبعه=
غير جاملته وصرفته بقولة ما معي ريال=
واحرق الجوال برسايل وحاول يتصل ويكلم=
ضقت واحرجته بكل اللي حصل في تالي الزمان=
اللي مثله ما يقدر ضيقته ورضاه عندي عادي=
لان طبعه ما يغيره الزمان وموقفه معروف=
ان بغيت اسلفه واوقف معه باخذ بمالي شرهه=
لا يثمن موقفي وقت الزحام ولا يسدني=
*=

صح لسانك ملايين والسلف مشكله بعضهم لاجاء يسدد يقول بقليه تقول بيعه

رااااايقأبو راكان صح السانك وبيض الله وجهك وفعلا السلف تلف والرجال العاقل لا يحط نفسه فى مواقف تحيجه الا من رب العباد نصيحة غالية منك يا بو راكان وفعلا الدين مذلة ومهانة الله لا يحيج مخلوق الا لرب العالمين ويقولون الناس لبعضها واليوم الناس اختلفت موازينها قسم بالله بعضهم حين تقضى حاجته ما عاد تشوفه السااااعهتحياتى وتقديرى لك كلمات فيها الحكم والعبر

عندنا مثل شهير يقول (السلف تلف و الرد خسارة )
الله يعطيك العافية على الابيات ،صح لسانك و بانتظار جديدك

فيه مثل عند اهل جدة يقول
إذا حبيت تخسر صاحبك سلفه

الله يعطيك العافيه
وصح لسانك
كلام في محله