قصيدة (( الدرب المداوي )) للشاعر نجم سهيل والرد للبرق اللامع

هذه القصيده لصديقي الشاعر (( نجم سهيل ))بدعا وكان الرد من اخوكم البرق اللامع ... واتشرف بوضعها بين ايديكم راجيا ان تنال رضاكم واستحسانكم .. لكم التقدير من اخوكم البرق اللامع ..

*

البدع : نجم سهيل
*
يالله فالعـون يـوم ان الدوائـر عـلـى الـدايـر تـقـف
وانا والله لو صاحبت لي شخص مـا دوّرت باشـه
اعرف اكتب وخطي با ازرق الحبر ما دوّرت جاف
وش مع الناس تستعجل على ارزاقها وانا مريّض
والله ما رضا عن الظالم لوحدي وغيري مارضـي
ونحـن يصحابنـا مهمـا ظمينـا فـي الدنيـا وجعـنـا
لا هيا يشبع الجايع ويـروى مـن المـاء مـن ظمـي
الكريـم الـذي يشبـه جنيـه الذهـب والـلاش رنـقـة
مكبـر الفـرق مابيـن الذهـب والحديـدة والنـحـاس
يالله تكتـب لنـا التيسيـر والحـظ فالـدرب المـداوي
لــو يقـلّـب عـلـى يـسـراه وإلا رجــع قـلـب ايمـنـه
*
الرد:البرق اللامع
*
قال ابو بدر ياحسره على اللي من الداء يرتقف
أرقب اللي يعالجني وربعي بحيره وارتباشه
حتى كفي تعذرني بتعبة ذراعه وأرتجاف
عفت مانملكه يوم حل بي ماحصل وآنا مريض
نحمد الله على ماجاء وأنا ادري بغيري مارضي
أدري ان القدر مكتوب لاجاء في الدنيا وجعنا
وكل الاحداث في عمر الفتى لابدت له منظمي
لاقفت أيامنا ماعاد ينفع دواء والا شرنقه
مايفيدك تقيم الحظ لاجاء مع الحظ النحاس
ماعاد أرقب من الدكتور والحظ في الدرب المداوي
الا تعبه ورى تعبه وضلى وجع قلبي منه

تحياتي..