شد الرحال

هذه اخر انتاج علي السبيه الغلبان وترى عندي طفرة قصايد هذه
الايام واهي من الفضاوه مامعي الا القصايد تواسيني واواسيها

من المرابع لو بغيت اروح واشد الرحال=لقيتها ماتنصخي اللي عامها كله ربيع
واهل المرابع كل ابوهم من قرانيس الرجال=وانا مع اصحاب الوفا مبسوط والخاطر وسيع
صحبه على طيب او ندى واشوار واعلومً هيال=وانا من اللي يشتري مدح النشاما مايبيع
وقلت ياقلب انتسم مالك من الديره انتقال=الديره اللي كرّمتك وفي سماها اسمك سطيع
ديره احتفت بك لي غدى لك في مرابعها مجال=خلك لها سيفً ودرع وحصن والصور المنيع
حتى ولو دوّرت مافي ضنتي تلقا مثال=للديره اللي حسنها زاهي وفي شكله بديع
ديره تضم اغلى تواصيف الحلاوه والجمال=يكسي مناضرها الرضا والبهجه والوصف الطليع
محال ياقلبي تلاقي مثل هاالديره محال=واللي على سنّه ومذهب لا يتوه ولا يضيع
وبيت واحد من شعر يغنيك عن مية مقال=للشاعر اللي لا بنا القيفان في نضمه بريع
شعره سحابه والحروف امطار والمعنى خيال=يحيي القلوب وترتوي منه المشاعر وابتطيع
مثل الغرابيب الثقال السود واركان الجبال=الثابته اللي ماتزحزحها العواصف والهزيع
مثل البحور الهايجه مثل الندى مثل الزلال=مثل الزمان اللي عمره الطيب والوقت النفيع
تدوم يالشعر الذي مافيه نقد ولا جدال=اغلى من اوصاف الغلا واصفى من الماي النبيع
اشرب فناجيله وهي تنصب من صفر الدلال=واسمع تراحيب المعاني لاغدت حولي جميع
يطيعني نضم القصايد يوم انادي له تعال=واطوّع المعنى وبيت الشعر في نضمه وديع
وفي البدايه والنهايه بااسم ربي ذو الجلال=وصلاة ربي والسلام عليك ياالهادي الشفيع

صح لسانك

والله لا يحرمنا من طلتـك

المشاركة الأصلية كتبت بواسطة واااافي

صح لسانك

والله لا يحرمنا من طلتـك

.................................................. .................
تسلم ياوافي والله لايحرمنا من مثل هذا المرور الطيب

صح لسانك
شاعرنا المبدع دائما
الله يعطيك العافية

يازين الفضاوه اذا كانت بنتج لنا زي هذى الكلام الحلو الي يفتح النفس

صح لسانك وبيانك وعلى شأنك

وخاصه هذى الابيات منها..

ديره تضم اغلى تواصيـف الحـلاوه والجمـال
يكسي مناضرها الرضا والبهجه والوصف الطليع
محال ياقلبـي تلاقـي مثـل هاالديـره محـال
واللي على سنّه ومذهـب لا يتـوه ولا يضيـع
وبيت واحد من شعر يغنيك عـن ميـة مقـال
للشاعر اللي لا بنا القيفان فـي نضمـه بريـع

المشاركة الأصلية كتبت بواسطة الرحال999

صح لسانك
شاعرنا المبدع دائما
الله يعطيك العافية

.................................................. ...................
حىالله الرحال وصح بدنك واشكرك على مرورك الكريم

المشاركة الأصلية كتبت بواسطة العالم المثالي

يازين الفضاوه اذا كانت بنتج لنا زي هذى الكلام الحلو الي يفتح النفس

صح لسانك وبيانك وعلى شأنك

وخاصه هذى الابيات منها..

ديره تضم اغلى تواصيـف الحـلاوه والجمـال
يكسي مناضرها الرضا والبهجه والوصف الطليع
محال ياقلبـي تلاقـي مثـل هاالديـره محـال
واللي على سنّه ومذهـب لا يتـوه ولا يضيـع
وبيت واحد من شعر يغنيك عـن ميـة مقـال
للشاعر اللي لا بنا القيفان فـي نضمـه بريـع

.................................................. ..................
يازين المرور الحلو ياحلو واشكرك جزيل الشكر
لمرورك الكريم على قصيدة علي السبيه الغلبان

انا فدى خشمك ماكل فاضي شاعر ولا كل فاضي مبدع ولا كل فاضي يقدر يقول ربع ربع مايقول السبية ..
لكن ما اقول الا صح لسانك ملايين ياشيخ الشعراء الارض اللي تمدحها انا فداك هي اسعد الاماكن على وجه الارض بمثلك وشرواك من المطاليق الاوفياء ..
شاعر زهران قصيدتك من روائع الشعر وكلامك عقد من الجواهر مطعم بالالماس

المشاركة الأصلية كتبت بواسطة صقر الجنوب

انا فدى خشمك ماكل فاضي شاعر ولا كل فاضي مبدع ولا كل فاضي يقدر يقول ربع ربع مايقول السبية ..
لكن ما اقول الا صح لسانك ملايين ياشيخ الشعراء الارض اللي تمدحها انا فداك هي اسعد الاماكن على وجه الارض بمثلك وشرواك من المطاليق الاوفياء ..
شاعر زهران قصيدتك من روائع الشعر وكلامك عقد من الجواهر مطعم بالالماس

.................................................. .........................
حىالله صقرالجنوب وفداك اللاش طال عمرك والله يسلمك ويغليك
واشكرك جزيل الشكر على مرورك الطيب واطرائك الجميل