زواج نديم القوااافي

ذهبت في صباح يوم اغبر وانا في السياره سمعت في الرادي برنامج عن الزواج المتعدد وما فيه من فوائد للافراد والمجتمع وانه يقضي على العنوسه . تحمست وقررت ان اتوكل على الله وابدا .. طلبت من ام عيالي ان تبحث لي عن زوجه ثانيه فقالت لي بالعاميه (الله يهبهب عليك )المهم مالكم بطول الكلام ... قررت ان ابحث انا بنفسي .. وسمعت عن رجل لديه تسع بنات وطفل صغير وهو ذو حسب ونسب وكلمته وقال لي حيّاك الله ولكن لازم تشوفها وتشوفك وبعد ذلك يكتب الله ما فيه خير.. مريت صالون الصافي وقلت له ابي حلاقه ميه ميه تراني عريس قال ابشر انته يطلع من هنا سيم سيم قمر.. وبدا في صلخ وجهي والبخار شغال ودهن وجهي بالقناع وبعد نصف ساعه جاب المرايه امام وجهي وقال اش رايك قلت له تمام (وبيني وبين نفسي : اقول السكن سكن ما يتغير) ذهبت لبيتي وتروشت ولبست ملابس جديده وتش تش ( يعني تعطرت)وذهبت لبيت العروس ودقيت الجرس وما هي الا ثواني الا واسمع قربعت الحلال والقدور وتكسير فناجيل شويه وينفتح الباب الا والرجال عيونه محندره في وفمه مبتسم تملكني الخوف وفي داخلي صراع بين اني افرك واحط رجلي وبين اني اثقل واكون قد الموقف يمكن يكون اختبار .. المهم دخلت والرجال يرحب ويسهل وتجي القهوه والتمر وتقهويت وسولفت مع الرجال قال امهلني لحضه ودخل عند عياله وشوي وهو راجع لي قال البنت بتجي عشان تشوفها وما ان ضهرت امامي وهي تحمل العصير وانضر الى وجهها ما شاء الله تبارك الله من خجلي جلست انضر في الارض وهي قادمه وشوي وياتي نضري على اقدامها الله لا يوريكم بين كل اصبع واصبع خمسه سنتي واصبعا الكبير في كبر الصامولي الله يكرم النعمه وانا جالس افكر في المصيبه وهي تروح ويوم وصلت عند الباب اخوها الصغير جاي يحبي تجاه المجلس وهي تلقمه بذيك الشوته الا ون الولد فاهق وقتها عرفت ليش ابوها يوم استقبلني عيونه محندره وفمه مبتسم ههههههه.. قال ابوها البنت مسكينه عندها سكر يبيلها مراعاه ما عندنا شي نخبيه .. طلعت من عندهم وقلت ارد لكم خبر واستخرت الله في هذي العائله .. وبعدها بفتره سمعت عن رجل بياع تمر لديه بنات ذوات اخلاق ودين وبرضه مدرسات .ذهبت اليه وطلبته القرب منه قال توكل على الله لا اهب راسك في واحده من التنك الي قدامك هههههههههه ما يبي يزوجهن عشان الراتب .. وبعد اربعه اشهر تقريبا سمعت عن عائله راقيه ولديهم بنات قلت توكل على الله يا ابو سند وتقدم وربك كريم ارسلت مرسول وقال الناس ما عندهم مانع يبونك تروح لهم البيت وتتفاهمو على كل شي .. توكلت على الله وكالعاده صالون الصافي للحلاقه والثياب وتش تش .. ودقيت الجرس ورحبو بي ويا هلا ويا مسهلا .. قال ابوهم تشرب حاجه سقعه ولا سخنه .. قلت يا ولد شكله اختبار ذكاء والسقعه هذي يمكن موضه والرجال يبي يعرف انا متحضر ولا لا .. قلت له سقعه وشوي والبنت داخله باثنين حققه ببسي وانا اتمتم بكلام في نفسي واقول الله يصقعكم كان هذي سقعتكم طفحت الببسي وشويه الا والبنت راجعه بالمعسل لابوها وهي تشفط فيه وتقول الحين مزبوط يا بابا .. صراحه البنت مثل القمر جمال وكمال والكامل وجه الله ولا يعيبها الا المعسل .. قال ابوها هاه اعجبتك البنت نتوكل على الله قلت والله اعجبتني في كل شي الا شربها لهذا المعسل قال ابوها هذا مقدور عليه تبطله ..قالت البنت باذن الله ما عاد يطب فمي .. قلت اجل توكلنا على الله .. وش تامروني به وبدا عاد يطلب ويتشرط وانا اقول ابشر ابشر ههههههههههه ما دريت الا والرجال يطلب كسوه لصديقها .. هههههههه وش صديقه يا صديقي .. قال الحق حق رجال صارف عليها مكالمات اقل شي بعشرةاالاف ولا تبي تكسيه .. هذي نعتبرها قلت اصل هههههههههههه يتكلم عن الاصول الدبشه ... من الزعل اللي لحقني والغضب استهرت الببسي حقه في وجهه ابو سقعه وطلعت من البيت زعلان وبقعا تحاذف بي يمين ويسار ركبت سيارتي وانا راجع البيت واشغل الرادي الا والفراعنه يغني ناقتي يا ناقتي ههههههههههههههههه هذي قصتي وما زالت المحاولات جاريه ...... عقبني عليكم الستر وعفاكم..